مراجعة تصميم هاتف Realme C3

[MichaelAnees]

مراجعة تصميم هاتف Realme C3

التصميم :-

التصميم من البلاستيك بالكامل بتصميم يطلق عليه Sunrise واللي بيعمل شكل اشعة بتطلع من حوالين الكاميرا الخلفية اللي بارزة شوية عن جسم الموبايل والنقشة بارزة كدا شوية عن جسم الموبايل ممكن تحسها بايديك وده كويس علشان الموبايل ميظهرش فيه خرابيش بسهولة خصوصًا ان الموبايل للأسف مش جاي معاه جراب شفاف في العلبة.
بالنسبة للوزن فالموبايل وزنه 195 جرام وتخانته 9 مللي وده راجع للبطارية العملاقة اللي فيه لكن عمومًا مسكة الموبايل مقبولة مش سيئة ومش هتحس بتقل الموبايل في ايديك.

الشاشة :-

شاشة تقليدية IPS LCD بتيجي بنوتش Water Drop والشاشة بحجم 6.5 بوصة بدقة HD+
والشاشة الـQuality بتاعتها متوسطة جدا والسطوع بتاعها برده متوسط مش عالي اوي
والشاشة بتيجي عليها طبقة حماية Corning Gorilla Glass الجيل الثالث وبتيجي في العلبة متركب عليها سكرينة.

الاداء :-

معالج ميدياتك Helio G70 الجديد بتكنولوجيا 12 نانو وده معالج اقتصادي بس موجه للالعاب يعني بيدعم معالج رسومي كويس جدا والاداء كويس جدًا مفيهوش اي مشاكل او تهنجيات والإستخدام اليومي البسيط من برامج ومكالمات مش هتحس باي مشاكل مع المعالج ده.
يوجد بصمة خلفية سرعتها مقبولة جدا وكمان في Face Unlock سرعته مقبولة جدا.
الموبايل جاي بواجهة ريلمي المنفصلة عن اوبو وهي Realme UI 1.0 المبنية على Android 10
الموبايل فيه كل المستشعرات حقيقية وشغالة بدون مشاكل وكمان بيدعم وصلة الـOTG الموبايل مفيهوش لمبة اشعارات ولا فيه بديل ليها.
صوت الموبايل جاي من سماعة واحدة تحت على اليمين وللاسف صوتها مش عالي خالص.
صوت سماعة المكالمات عالي وممتاز وصوت سماعات الاذن كويس جدا وعالي ومفيهوش مشاكل.

[RAHIME DZ]

السلام عليكم ورحمة الله تعالى و بركاته

ريلمي سي 3 يعد من الهواتف المحمولة الاكثر نجاحا و تالقا و له عدة مميزات منها

مميزات الهاتف ريلمي سي 3
يتميز انه مقاوم لقطرات الماء مثل ريلمي5 كما انه يسع لباطارية ضخمة 5 الاف ميلي امبير و تبقى لساعات من اللعب تصل الى يوم كامل و الصراحة ميزة البطارية فيه ممتازة .
كما سعر الجهاز تنافسي و مقبول له .
الهاتف له عدة الوان الازرق الثلجي و الاحمر الغامق.
و انه يدعم ميزة الوضع الليلي لراحة العينين.



عيوب الهاتف ريلمي سي 3

لا يدعم خاصية الشحن السريع.
ظهر الجهاز بلاستيكي و حتى الايطار الجانبي بولي كربونيت قابل للخدش و الكسر.