مراجعة تصميم هاتف Honor 9X Pro

[MichaelAnees]

مراجعة تصميم هاتف Honor 9X Pro

التصميم :-

تصميم فخم من الزجاج والفريم من المعدن وخامات محترمه جدا والتقفيل نظيف والخامات نظيفة.
الكاميرا الخلفية البروز بتاعها موجود بس قليل مش مزعج اوي وممكن تغطي البروز البسيط ده بالجراب الشفاف الي جاي مع الموبايل.
وبالنسبة للوزن والابعاد فالموبايل وزنه تقيل شوية 206 جرام والسمك 8.8 ملم وحجمه كبير وشاشته كبيره.

الشاشة :-

الشاشة بحجم 6.59 بوصة من نوع IPS LCD بدقة FHD+ الشاشة كاملة مفيهاش نوتش او ثقب للسيلفي لان السيلفي هنا محطوط في موتور والموبايل بيجي في العلبة متركب على الشاشة سكرينه.

الأداء :-

يتميز الهاتف بمعالج كيرن 810 بمعمارية 7 نانو وقادر حرفيا على منافسة كوالكوم سناب دراجون 730G و ميدياتيك Helio G90T
والتبريد المائي هنا محترم جدا حرفيًا الموبايل ده صعب يسخن جامد منك لو هتقرص عليه في الإستخدام.
يوجد بصمة مدمجة بزر الباور سريعة عملية مفيهاش مشاكل.
بالنسبة للسوفت وير الموبايل جاي باندرويد باي 9.0
الموبايل مفيهوش لمبة اشعارات ولا فيه اي حاجة تقولك انك جالك اشعار وبالنسبة لصوت الموبايل جاي من سماعة واحدة تحت على اليمين صوتها متوسط مش عالي ومش مجسم بس مقبول.
صوت سماعة المكالمات عالي وممتاز وصوت سماعات الاذن مش اعلى حاجة بس مقبول واخيرا شبكة الموبايل ممتازة مفيهاش اي مشاكل.

[saadashraf14]

السلام عليكم ورحمه الله وبركاته اعلنت شركة هونر عن اقوى هواتفها وهو هونر تسعه اكس برو اللى بيجى مع احدث مواصفات وامكانيات جيده جدا حيث ياتى الهاتف مع بصمه اصبع مدمجه بزر الباور وهى تعمل بسرعه كبيره كمان الهاتف بيجى مع تصميم مميز جدا وهو تصميم زجاجى بيعطى ملمس رائع وجميل وعن الأداء بالهاتف فهو ياتى مع معالج من شركة هواوي وهو معالج ثماني النواة من نوع Hisilicon Kirin 810 وبتكنولوجيا 7 نانو ميتر ويأتى الهاتف مع ذاكره داخليه حجمها كبير جدا 256 جيجا ومع ذاكرة عشوائية بحجم 6 جيجا رام
اما عن الكاميرا الخلفية فهى ثلاثية بدقة 48+8+2 ميجابيكسل والكاميرا الامامية تأتى بدقة 16 ميجابيكسل والشاشه تأتى بحجم 6.59 بوصة بدقة FHD+ ونظام التشغيل هو اندرويد 9.0 قابل للتحديث الى أندرويد 10 أخيرا البطاريه سعرها 4000 مللي أمبير تقبلو تحياتى لكم وموفقين بإذن الله تعالى