العواطف والجوانب النفسيه للمتداول المفروض يتم التحكم فيها بشكل كامل لانها بتكون مدخل لكوارث بمعنى الكلمه فى
حياة المتداول فى السوق وتعتبر هى الطريق الأسرع للخسائر يعنى مثلا الطمع يعتبر هو العدو الاول للمتداول فى
رايى ومن الصعب ان لم يكن من المستحيل ان يكون فيه متداول طماع وناجح على طول الخط بل فيه قصص من
الممكن تكون خياليه عن ناس خسروا مئات الالاف من الدولارات فى ساعات قليله بسبب الطمع وبسبب انهم دوروا
على ربح كبير بدون حساب لجوانب الخساره كذلك المتداول المبتدئ اللى بيكون داخل مجال الفوركس وفى دماغه ان
هو عباره عن منجم دهب بيكون عرضه اكتر من اى حد للوقوع تحت طائلة الانفعالات والمشاعر الشخصيه لانه
بيكون بيدور على ربح سريع بالتالى الطمع سمه اصيله فيه