مراجعة حول Infinix Note 8 – موبايل بشاشة عملاقة وبطارية ضخمة ولكن !

[mohammed kamal]

مراجعة حول Infinix Note 8 – موبايل بشاشة عملاقة وبطارية ضخمة ولكن !


التصميم :-
خامات الموبايل بالكامل من البلاستيك .. ده المُعتاد من شركة انفينكس والمُعتاد عمومًا من الموبايلات الموجودة في الفئة السعرية دي ..*معجب بشكل الظهر وتداخل المثلثات اللي فيه بدرجات لون مختلفة.
التغيير الكبير في التصميم في شكل الكاميرات .. مرصوصة في مستطيل كبير بارز شوية عن جسم الموبايل ..*المستطيل حجمه كبير شوية ولكن ممكن تتقبله لإن أصلًا الموبايل كبير جدًا .. إعتبره فابلت.
بس الفكرة في الدواير الكتير أوي دي .. تحس إنك ماشي بدسته كاميرات .. هما 4 كاميرات بس الفلاش محطوط في نفس الرصة .. وكمان في دايرة ملهاش لازمة مكتوب جواها 64 ميجا بيكسل .. بصراحة مش حاسس رصة الكاميرات .. حاسسها كانت محتاجة تبقى أهدى وأقل من كده شوية .. بس هي في الأول وفي الأخر أذواق.
الموبايل جاي بأبعاد اكبر حاجة بسيطة من*Infinix Note 7*اللي اصلا كان كبير .. فتأكد إنك هتمسك موبايل ضخم في إيدك حجمه كبير تخانة 9 ملم وزن معدي 200 جرام.

الشاشة :-
شاشة عملاقة بتيجي بحجم 6.95 بوصة IPS LCD وللأسف بدقة HD+ وفي ثقبين للسيلفي على الشمال ..*ولسه برده الحافة السفلية بتاعت الشاشة كبيرة شوية وكانت لازم تقل عن كده.
شاشة Note 8 كسطوع تحت الشمس فهي متوسطة مش وحشة بتوصل لـ480 نتس هتقدر تشوفها بشكل منطقي تحت الشمس .. والألوان بتاعت الشاشة معقولة مش وحشة ومش مُمتازة برده .. حاجة كده في النص.
ولكن الملحوظ أكيد الدقة المنخفضة اللي بالتبعية بتترجم لكثافة بيكسلات قليلة وأخرك في الفرجة على الفيديوهات على 720p .. أنا عارف في منكم كتير مش بيزود عن 480p اصلًا بس برده علشان لو واحد محمل فيديوهات على 1080p فا مش هيقدر يستمتع بالدقة بتاعتها هنا.
ولو دققت أوي في الشاشة وقربت عينك منها اوي هتحس ببكسلة خفيفة كده في الأيقونات .. ده لو أنت من الناس اللي بتفضل تدقق يعني.

الأداء :-
انفينكس نوت 8 جاي بمعالج ميدياتيك Helio G80 تكنولوجيا 12 نانو .. معالج حلو في الفئة السعرية دي .. بيقدم أداء كويس جدًا .. مع واجهة انفنكس الخفيفة فتأكد إنك هتاخد أداء محترم من غير مشاكل ولا تهنجيات ولا تأخيرات.
الموبايل كمان جاي زي ما متعودين من انفنكس بـ6 جيجا رام علشان الواجهة تاخد حريتها أكتر وتفتح برامج كتير من غير ما الواجهة تقفلك البرامج ديه بسرعة.
وبقول بسرعه لإنك لو سبتهم فترة ورجعتلهم هتلاقي معظمهم إتقفل علشان الواجهة تحافظلك على البطارية بتاعتك .. وعموما الـG80 الموجود في نوت 8 تطوير بسيط جدًا عن الـG70 اللي كان في الجيل القديم.

البطارية :-
بطارية ضخمة بتيجي بحجم 5200 مللي أمبير .. أزيد 200 مللي امبير من الـNote 7 ..*تستحمل معاك 10 ساعات مستريح اوي شاشة مفتوحة .. يعني يوم ونص أو يومين .. حلو جدًا.

الكاميرات :-
الموبايل جاي بـ4 كاميرات في الظهر ..*الأساسية بقت بدقة 64 ميجا بيكسل فتحة عدسة F/1.8 .. والتانية بدقة 2 ميجا بيكسل ماكرو .. التالتة بدقة 2 ميجا بيكسل مُخصصة للعزل .. الرابعة بدقة 2 ميجا بيكسل للمساعدة في تصوير الفيديوهات .. يعني من الأخر مفيش عدسة تصوير واسع.
والسيلفي مزدوج، الأساسية بدقة 16 ميجا بيكسل ودي اللي ليها إستخدام .. والتانية مجرد منظر بس 2 ميجا بيكسل للعزل.


اتمنى ان اكون قد افدتكم جميعا..................

[Maro3030]

أطلقت Infinix العديد من الهواتف الذكية بأسعار معقولة بمواصفات جذابة في الأشهر القليلة الماضية. هذه المرة ، تعيد Infinix هاتفها الذكي الجديد إلى إندونيسيا ، وهو Infinix Note 8. هذا الهاتف الذكي ، الذي تم إصداره رسميًا في 9 نوفمبر 2020 ، تطالب شركة Infinix بهاتف ذكي للألعاب Super Gaming . بسعر 2 مليون ، يقدم Infinix Note 8 مواصفات جذابة للغاية.

المواصفات: -
الشاشة: IPS LCD 480 nits ، 6.95 بوصة ، دقة 720 × 1640 بكسل ، Corning Gorilla Glass
- الأبعاد: 175.3 × 78.8 × 8.9 ملم -
الوزن: 210 جرام -
OS: Android 10 ، XOS 7.1 -
الشريحة: Mediatek Helio G80 (12 نانومتر)
-CPU: ثماني النواة (2x2.0 جيجاهرتز Cortex-A75 و 6x1.8 جيجاهرتز Cortex-A55)
- GPU: Mali-G52 MC2 -
التخزين: 64 جيجا / 6 جيجا رام ، 128 جيجا / 6 جيجا رام -
الكاميرا الخلفية: 64 ميجا بكسل (واسعة) ، 2 ميجا بكسل (ماكرو) ، 2 ميجا
بكسل (العمق) ، 2 ميجا بكسل - الكاميرا الأمامية: 16 ميجا بكسل ، 2 ميجابكسل (العمق) -
البطارية: Li-Po 5200 mAh

[saadashraf14]

ااسلام عليكم ورحمه الله وبركاته تقبل تحياتي اخي الكريم اولا اما ثانيا يعتبر هاتف انفنكس نوت 8 من الهواتف التى تاتى بمواصفات الى حد ما جيده وبسعر كويس جدا حيث ياتى هذا الهاتف مع مواصفات جيده اهمها انه بيجى كع أداء جيد جدا لانه بيجى مع معالج من نوع مديا تك وهو معالج ثماني النواة Mediatek Helio G80 تكنولوجيا 12 نانو كما ياتى الهاتف مع ذاكره تخزينية بحجم 128 جيجا ومع زاكرة عشوائية بحجم 6 جيجا رام والكاميرا الخلفية تأتى رباعية بدقة 64+2+2+2 ميجا بيكسل اما الكاميرات الامامية تأتى مذدوجه بدقة 16+2 ميجابيكسل والشاشة تأتى بحجم 6.95 بوصة بدقة 720x1640 ونظام التشغيل الخاص بالهاتف هو اندرويد 10.0
أخيرا البطاريه حيث تاتى البطارية بحجم 5200 مللي أمبير. تقبلو تحياتى لكم وموفقين بإذن الله