Thread: 
Subscribeمراجعة حول Huawei Watch Fit – من أرخص الساعات الذكية الرياضية !
التصميم :-
أكتر حاجة عجبتني في الساعة دي وزنها .. وزنها خفيف في الإيد 21 جرام .. مش هتضايقك خالص في لبسها طول اليوم حرفيًا عن تجربة مع ساعات تانية كتير .. هتحس إن وزنها رايح أكتر لإنها باند مش ساعة .. بس هي ساعة مش باند.
في 3 ألوان للـStrap بتاع الساعة اللي بالمناسبة من خامة السيلكون المُريحة في الإيد بس مش Premium أوي بصراحة .. المهم بتيجي بـ3 ألوان وهما الإسود والأخضر والبينك.
الشاشة :-
شاشة الساعة تبانلك صغيرة بس هي كبيرة بالنسبة لحجم شاشات الساعات .. حجمها 1.64 بوصة من نوع AMOLED .. وكثافة البيكسلات بتاعتها 326 بيكسل لكل بوصة والشاشة من فوق فيها إنحناء بسيط اوي من الأطراف علشان يدي إنسيابية.
تعليقي الوحيد على الشاشة إن مفيش أي حاجة تحميها .. هي اللي هتاخد الخبطة كلها لو إتخبطت منك .. بس حقيقي مكنش ليها صرفه او حل من ناحية التصميم .. علشان تفضل Simple وشيك وأهم من ده كله تفضل خفيفة .. فهي حاجة قصاد حاجة.
نظام التشغيل :-
بالنسبة للـSoftware بقى فا انت لو سحبت من فوق هيظهرلك الـMenu السريع .. لو سحبت من تحت هيظهرلك الإشعارات ..*بتظهرلك أي إشعارات عادي ولو جالك إتصال او أي حاجة .. بس مش هتقدر ترد من الساعة لإن مفيهاش ميكروفون ولا فيها سماعة.
السحب يمين وشمال بيظهرلك الـWidgets المُفضلة اللي غالبا بتكون حاجات مُتعلقه بصحتك زي نبض القلب ومشيت قد ايه النهاردة كعدد خطوات وكوقت ومسافة والكلام ده كله.
النظام الرياضي :-
تعالوا بقى نتكلم على الجانب الأهم في الساعة دي واللي مخلي إسمها Fit .. وهو النظام الرياضي اللي فيها.
الساعة هنا فيها قياس نبضات قلب وبيفضل مُستمر طول ما إنت لابسها علشان تطمن على نفسك وبيبقى في رسم بياني لليوم كله مرسوم فيه النبض بتاعك طول اليوم .. بتقيس نسبة أكسجين في الدم في ثواني .. فيها GPS .. فيها مستشعر تسارع وجيروسكوب.
البطارية :-
التجربة ديه كلها بقى .. تخيل لو بطاريتك كويسة .. الـHuawei Watch Fit*إستحملت معايا أسبوع كامل مش بقلعها تقريبًا .. وقت كويس جدًا جدًا .. وده إستخدامي أنا .. ممكن تقعد معاك أكتر.
والفكرة مش في كده كمان .. الساعة بتشحن في نص ساعة بس بالكامل .. يعني كمان بتشحن بسرعة.
ارجو ان تعم الافادة على الجميع وتقبلو مرورى ..........
