مراجعة تصميم هاتف Huawei Y9s

التصميم :-

تصميم رائع والظهر فيه درجة لون حلوة جدا وهتشدك أول لما تشوف الموبايل وكمان الهاتف ظهره من الزجاج
تحتوي الواجهة الأمامية للهاتف علي شاشة بقياس 6.6 بوصة و أعلاها و مفيش لمبة اشعارات للأسف لكن الاشعارات بتظهر عادى فوق.
أسفل الهاتف نجد منفذ كابل الشحن USB Type C و ميكروفون المكالمات و السماعة الخارجية على اليمين و منفذ 3.5 ملم لسماعات الأذن.
أعلي الهاتف هنلاقي السلايدر Pop Up جواه الكاميرا الأمامية بجودة 16 ميجا بيكسل و الميكروفون الاضافى لازالة الضجيج و منفذ تركيب شريحتين الاتصال أو شريحة واحدة و كارت ذاكرة خارجي.
علي الجانب الأيمن للهاتف نجد زر التشغيل Power button لفتح و غلق الهاتف مدمج به مستشعر بصمة الاصبع و أزرار رفع و خفض الصوت.
ظهر الهاتف يحتوي علي كاميرا خلفية ثلاثية أعلى يسار الهاتف بجودة 48+8+2 ميجا بيكسل أسفلهم فلاش أحادى LED و شعار AI Camera بجانب الكاميرا و بالأسفل شعار الشركة Huawei.

الشاشة :-

شاشة الهاتف بحجم 6.6 بوصة من نوع IPS LCD بدقة Full HD plus بدون نوتش لأن السيلفي موجود في موتور و في اسكرينة للحماية متركبة علي الشاشة.
و أداء الشاشة مفيهوش جديد اقوله جمب الواي 9 برايم االلى هو أداء جيد جدا مع ألوان جيدة مقارنة بفئة ال Y المعروف عنها ان تشبع الألوان مش قوى فيها لكن الشاشة هنا مقبولة مع سطوع تحت الشمس جيد جدا و هى بدون نوتش والحواف قليلة

الأداء :-

الهاتف بمعالج Kirin 710F اللي موجود في Huawei Y9 Prime 2019 وموجود في Honor 9X و هو ثمانى النواة يعمل بقوة تردد 4*2.2 جيجا هرتز Cortex-A73 و 4*1.78 جيجا هرتز Cortex-A53 وموجود في كل موبايلات هواوي في الفئة المتوسطة و بالتالي مفيش جديد نقوله على​ المعالج.
يقدم الهاتف أداء جيد و لكن مع واجهة هواوى الثقيلة نوعا ما يحدث ثقل فى أداء الهاتف بعد فترة من الاستخدام بيحصل تقطيع خفيف.
الهاتف يأتي ب 6 جيجا رام على​ عكس الواي 9 برايم اللي كان 4 جيجا رام والرام الزيادة هيفرق بس في عدد البرامج المفتوحة في الخلفية هيبقي أكتر إنما مش فارقة فعليا في الأداء و الكلام ده.
يمكنك زيادة المساحة الداخلية للهاتف عن طريق إضافة كارت ذاكرة خارجي يصل الى 512 جيجا بايت و لكن مع الاستغناء عن الشريحة الثانية.