مراجعة تصميم هاتف Realme XT
التصميم :-
الهاتف ظهره من الزجاج مع اطار بلاستيكي التصميم وشكل الكاميرا فى ظهر الهاتف و الخط الأصفر اللامع على زر التشغيل حاجات فعلا تحسسك بتطوير كبير وزن الموبايل أقل 183 جرام وعموما الموبايل خفيف في الايد وسهل الاستخدام بايد واحدة و الشركة بتقول عليه حماية على الظهر جوريلا الجيل الخامس.
تحتوي الواجهة الأمامية للهاتف علي شاشة بقياس 6.4 بوصة أعلاها نجد نوتش صغير علي شكل Drop water بداخله الكاميرا الأمامية بجودة 16 ميجا بيكسل مع سماعة المكالمات و مستشعر القرب و لا يوجد بالهاتف لمبة اشعارات.
علي الجانب الأيمن للهاتف نجد زر التشغيل Power button لفتح وغلق الهاتف.
علي الجانب الأيسر للهاتف نجد أزرار رفع و خفض الصوت و منفذ لدخول شريحتين الاتصال أو شريحة واحدة و كارت ذاكرة خارجي.
أسفل الهاتف نجد ميكروفون المكالمات و السماعة الخارجية و منفذ كابل الشحن Type C و منفذ 3.5 ملم لسماعات الرأس Headphones مع الميكروفون العازل للضجيج.
فى أعلى يسار ظهر الهاتف نجد اطار معدنى يجمع ما بين الكاميرا الخلفية الرباعية بجودة 64+8+2+2 ميجا بيكسل بشكل عمودى يعطي فخامة فى الشكل و بجانبهم فلاش أحادى LED و بالأسفل على اليسار شعار الشركة realme.
الشاشة :-
شاشة الـ Realme XT نوعها سوبر أموليد بحجم 6.4 بوصة وبدقة Full HD plus. تعرض 16 مليون لون بدقة Full HD+ بجودة 1080*2340 بيكسل مع كثافة بيكسلات 403 بيكسل لكل بوصة بأبعاد 19.5:9 مع دعم حماية من نوع Corning gorilla glass 5 مع تركيب اسكرينة للحماية على الشاشة مسبقا.
الشاشة أعلاها نوتش على شكل قطرة ماء Drop water و لا يمكنك الغائه من الاعدادات.
وعموما الشاشة سطوعها عالي و ألوانها مشبعة.
الأداء :-
المعالج سناب دراجون 712 ثمانى النواة يعمل بقوة تردد 2*2.3 جيجا هرتز Kyro 360 gold و 6*1.7 جيجا هرتز Kyro 360 silver و هو معالج مميز في الاستخدام اليومي مش هيقصر في أي حاجة و الموبايل فعلا قدم نفس أداء الريلمي 5 برو اللي مكنش مقصر في أي حاجة.
ريلمي استغلت الشاشة الأموليد و بقي عندنا بصمة مدمجة في الشاشة و أحب اطمنك أن البصمة اللي في الشاشة هنا سريعة لدرجة تنافس الموبايلات الفلاج شيب.
خاصية قفل الوجه face unlock سريعة و يعتمد عليها.
صوت الريلمي اكس تي عالي ومجسم.
صوت سماعات المكالمات عالي وممتاز زي ال 5 برو و صوت سماعات الأذن بردوا عالي ومجسم.