مراجعة تصميم هاتف Honor 9X

التصميم :-

خامات الهاتف من البلاستيك أو البولي كاربونيت
لكن البلاستيك زي ما هو ملمسه رخيص فهو بيستحمل جدا في الوقعات الموبايل ده حرفيا هيستحمل معاك وقعات كتير جدا والظهر عليه نقشة حرف الـ X بتظهر وتختفي مع الاضاءة.
الموبايل وزنه 185 جرام و السُمك أقل من 9 ملم والموبايل شاشته كبيرة فطبعا الاستخدام بايد واحدة ممكن يبقي صعب.
تحتوي الواجهة الأمامية للهاتف علي شاشة بدقة 6.5 بوصة أعلاها سماعة المكالمات و مستشعر القرب و تقريبا هي شاشة كاملة من غير حواف.
علي الجانب الأيمن للهاتف نجد زر التشغيل لفتح وغلق الهاتف و أزرار التحكم في الصوت.
علي الجانب الأيسر للهاتف نجد منفذ دخول شريحتين الاتصال و كارت ذاكرة خارجي.
أسفل الهاتف نجد ميكروفون المكالمات و السماعة الخارجية و منفذ كابل الشحن.
ظهر الهاتف يحتوي على الكاميرات الثلاث فى أعلى يسار الهاتف بجودة 48 ميجا بيكسل مع 8 و 2 ميجا بيكسل و أسفلهم الفلاش LED و فى منتصف ظهر الهاتف مستشعر بصمة الاصبع و بالأسفل شعار الشركة HONOR.
أعلي الهاتف نجد موتور السيلفي بجودة 16 ميجا بيكسل مع فتحة عدسة 2.2.

الشاشة :-

شاشة هاتف Honor 9X تأتي من نوع IPS LCD بقياس 6.5 بوصة تعرض 16 مليون لون بدقة FHD+ بجودة 1080*2340 بيكسل مع كثافة بيكسلات 391 بيكسل لكل بوصة بأبعاد 19.5:9.
والمميز في الشاشة هنا أنها بدون نوتش والحواف قليلة حاجة مميزة في الفئة السعرية دي أنك تجرب الشاشة الكاملة.
الشاشة ألوانها مقبولة جدا مش مشبعة أوي بالألوان وسطوعها تحت الشمس مقبول ومفيهوش مشاكل.

الأداء :-

معالج Kirin 710 هو معالج مش وحش مقبول جدا في المهام اليومية زي المكالمات وبرامج السوشيال ميديا ومعاك 6 جيجا رام هيبقوا كافيين جدا لفتح برامج كتير في الخلفية من غير ما السوفت وير يضطر يقفل منهم برامج.
يتوافر الهاتف بإصدار بذاكرة داخلية 128 جيجا بايت مع 6 جيجا بايت رام.
يمكنك​ زيادة المساحة الداخلية للهاتف عن طريق إضافة كارت ذاكرة خارجي يصل إلى 512 جيجا بايت لكن مع الاستغناء عن عن شريحة الاتصال الثانية.