اهم عوامل النجاح في الفوركس

[m.abdo1020]

النفسية
تعتبر من أهم عوامل النجاح في الفوركس بعد إدارة رأس المال
مع الوضع فى الإعتبار إن إدارة رأس المال سهل تحقيها
بس لو اشتغلت بإدارة رأس سليمه و نفسيه غير مهيأة أكيد هتخسر
إيه هي المشاكل إللي بتقابلني كمتداول بالنسبة لموضوع النفسية ده
أول حاجة لازم تعرفها إن السوق ده أساسه اللعب على المشاعر الإنسانية زي..

الخوف
إللي بيخليك مثلاً تقفل الصفقه بأقل عدد نقاط مكسب خوفاً من انعكاس السعر و بيخليك تشيل الاستوب لوز خوفاً من إن السعر يلمسه ويرجعلك تاني والنتيجة إنك لما تيجي تبص على كشف حسابك هتلاقي إن الصفقات الكسبانه مقفوله بعدد نقاط قليل جداً بالمقارنة بالصفقات الخسرانه

التردد
وده شعور بينتاب معظم المتداولين سواء قبل فتح الصفقه بتلاقي نفسك متردد ولو فتحت الصفقه بتبقى متردد تقفلها دلوقتي ولا تلتزم بالهدف والاستوب ولو السعر عكس عليك تبقى مش عارف تخرج ولا تعمل هدج ولا تعزز وطبعاً كل ده في النهاية بيخليك تخسر

الفرح والحزن
الاثنين لو أثروا عليك هيخلوك تاخد قرارات غلط سواء كنت فرحان بالمكسب وتدخل صفقه عشان تزود تلاقيك خسرت إللي كسبته ويمكن أكثر
أو أنك تدخل صفقات انتقامية لتعويض الخساره ودي نهايتها المرجنه في اسرع وقت ممكن

الطمع
معظم المتداولين وخاصة في الوطن العربي بيدخل سوق الفوركس على أساس إنه مغاره على بابا و وهيدخل يجيب منه دهب وياقوت ومرجان ????
وتلاقيه داخل بحساب 1000 دولار مثلاً وعايز يدخل صفقه واحده يكسب فيها 200 دولار ويقعد يحسب ارباحه بعد سنه مثلاً يلاقي معاه مليون دولار و حقق كل احلامه
للأسف ناس كتير في دول الخليج بتخسر مبالغ كبيرة جدآ بتوصل ل50 ألف دولار في يوم واحد نتيجه أنه بيدخل يضارب بأحجام كبيرة جدآ وكأنه في صاله قمار وفي النهاية يخسر كل فلوسه
وعلى إعتبار إن كل الفلوس إللي بيخسرها العرب بيكسبها الأجانب للأسف هتلاقي إن الناس دي بيكسبو من ورانا ملايين الدولارات

الحاله المزاجية
ودي من أهم العوامل النفسية إللي بتأثر على قرارتك
السهر وقله النوم والمشاكل والمؤثرات الخارجية أيا كانت بتأثر تأثير سلبي على قرارتك

الضغط
إنك تكون تحت ضغط أي التزامات ماديه تخليك خايف على فلوسك أو إنك حاطط كل رأس مالك في الفوركس هتخسر أكيد إلا إذا كنت محترف بمعنى الكلمه

التشتيت
متابعه قنوات ومحللين كتير وده يقولك بيع تروح بايع وده يقولك أشتري تروح قافل وتلاقيك مش عارف تاخد قرار
حتى رأيك وقناعتك الشخصيه بتلاقيها تاهت وسط الزحمه????

عارف ليه لما بتفتح حساب تجريبي بتكسب وبتخسر في الحقيقي
لأن ببساطه في التجريبي بتتجرد من كل المشاعر الإنسانية إللي بتسبب الخسارة.وبتدخل بهدوء أعصاب وقلب جامد وعدم تردد وصبر وممكن تسيب الصفقه وتنساها وتفتح تلاقيها جابت الهدف
طبعاً مستحيل تتعامل مع الحساب الحقيقي بالنفسيه إللي هتتعامل بيها مع الحساب التجريبي بس ممكن تقدر تسيطر على كل ده بأنك تدخل بحجم عقد قليل بالنسبة لرأس المال هتلاقي نفسك مرتاح ومش فارق معاك الانعكاس و بتصبر على صفقتك وبتحقق ربح معقول

أنا بتعامل مع السوق ده بناءا على قناعات شخصية
زي إن السوق ده عباره عن بحر كبير جداً وفيه كل انواع وأحجام السمك وفيه سفن صيد ضخمه واساطيل ومراكب صيد وقوارب
و ليله كبيره أوي سعادتك????
أنا بقي بالنسبة لده كله مجرد صياد صغير أوي معايه صناره صغيره بصطاد سمك صغير على أد امكانياتي
لو طمعت وفكرت انزل وسط الأساطيل دي واصطاد سمكه كبيره بامكانياتي المتواضعة دي هضيع في ثانيه ومحدش هيحس بيا ولا هيشوفني أصلا

تاني حاجه مقتنع إن فيه صانع للسوق أو نظام إلكتروني بيتحكم في حركه السعر ومهمته أنه يخسر اكتر عدد من المتداولين
يعني مثلا يشوف ناس كتير شاريين يروح نازل ضارب استوباتهم ومصفي أكبر عدد ممكن وناس تخرج وناس تيأس وناس تبيع وتقولك خلاص هابط يروح طالع وهكذا وطبعا الأساليب دي بتتغير مش ثابته

الخلاصه..
الفلوس إللي هتشتغل بيها مش هقولك تبقى مستعد تخسرها لأن ده غلط وما ينفعش أساسا تخسر كل حسابك أو تتمرجن
المهم انها متكنش سبب ضغط نفسي

حجم عقد صغير ما يزدش بأي حال من الأحوال عن 0.1 لوت لكل ألف دولار لو بتشتغل باستوب لوز

اقتنع إن نسبة 10% من رأس المال شهرياً مفيش مشروع في الدنيا ممكن يحققها ارباح صافيه

عيش نمله تاكل سكر????????

لو حابب تغامر يبقى حساب منفصل من ارباحك بعيد عن الحساب الأساسي

وفر جو مناسب ليك للتداول بعيد عن أي مؤثرات عشان تبقى مركز
ما تدخلش السوق وأنت سهران أو مصدع أو زعلان
اوعى تستلف أو تاخد قرض عشان تشتغل في الفوركس
الفوركس بحره واسع أوي ما تحاولش تتعمق فيه وتدرس كل انواع التحليل الفني والأساسي لأنك هتوه واكتفي بالاساسيات مع احتراف نوع واحد من أنواع التحليل الفني

في النهاية طبعاً ده كلام مرسل بدون أي ترتيب لأني مش بعرف اكتب مقالات وناتج عن تجربتي الشخصية وحبيت اشارك بيه يمكن يكون سبب إن حد يستفيد منه????

مع تمنياتي للكل بتداول مربح

[Ayman Abdellatif]

اسعد الله اوقاتك بكل خير و تحياتى لك على هذا الموضوع القيم عن عوامل النجاح فى التداول
الجميع عند بداية التعرف بالتداول يكون منبهرا بارباح من سبقوه فى التداول و لا يعلمون ان
الامر ليس بالسهولة التى صورها لهم البعض فمن اهم العوامل للنجاح فى التداول هو التعلم
و اخذ وقت فى هذا الامر و عدم التسرع فى فتح حساب حقيقى بدون ان يكون لدى المتداول
معرفة عن المفاهيم الاساسية الخاصة بالتداول و انواع الحسابات المختلفة و التراخيص الهامة
التى ينبغى ان تكون متوفره لدى شركة الوساطة المالية و بعد الاستقرار على الشركة التى سوف يتم
التداول على منصها ينبغى عليه ان يتفرغ فى تعلم ادارة المخاطر التى سوف تحافظ على رصيد حسابه
و تجعله قادرا على تعويض اى خسارة قد تلحق بالحساب كذلك فانها سوف تروض العامل النفسى الذى يؤثر
على قراراته اثناء التداول و قبل التداول و تجعله يفكر كثيرا قبل تنفيذ امر بيع او شراء فان فترة التدريب
مهمة جدااا لمن اراد ان يعمل فى سوق العملات و السلع ، تقبل مرورى مع تمنياتى لك و للجميع بالتوفيق

[snnaky]

على الرغم من ان موضوعك من الموضوعات المكررة من حيث المحتوى او الفكرة العامة الا انة من الموضزوعات الجميلة اللى مصنوعة كويس وفيها مجهود كفاية انة صناعة شخصية يعنى مش منسوخة او منقولة ودة فى حد ذاتة عاجبنى
طبعا بتفق معاك فى كل كلمة وحرف خاصة ان دة كل الكلام واقعى جدا وكلنا بنعيشة وكتير من اللى فى الفوركس سواء كان مبتدا او نصف مبتدا رغم علمة الا انة عايش هذة التفاصيل
عاجبنى جدا موضوع صانع السوق ولو بتابع مواضيعى حتلاقينى بتكلم فى كدة كتير عشان كدة اتفق معاك اضافة الى اقتناعى بأن المكسب الغير منطقى او الطمع فى عمل ربح شهرى مضاعف وعدم الأقتناع بنسبة ربحية بسيطة بس مستمرة دة اهم عوامل الخسارة لأنة بيضطر يزود المخاطرة وطبعا زيادة المخاطرة ممكن تؤدى الى خسارة مؤقتة وممكن تزيد الى ان تصل الى مرجنة الحساب

[a_hessen]

السلام عليكم ورحمه الله

العوامل النفسيه ولها اهميتها فلا تقل اهميه عن استراتجيه التداول والالتزام بها حيث ان الالتزام باستراتجيه التداول يحتاج الي قدره علي التحكم في العوامل النفسيه التي تم ذكرها جميعا فان التردد الذي يصاب به المتداول ناتج من عدم الثقه في استراتجيه التداول حيث ان الهدف من استراتجيه التداول هو تحديد افضل سعر للدخول في الصفقه مع افضل سعر للخروج من الصفقه ان كان بامر جني الربح او بامر وقف الخساره وان التردد يحدث عندما ندخل فص صفقه قد نغير راينا فور صعود او هبوط السعر بينما لفرح والحزن وهو قد يؤثر علي قرارتنا وننسي اننا نتداول باستراتجيه تداول ونطبقها والطمع وهو من اسوء السلوكيات التي قد ينسي المتداول نفسه ويفكر في انه يريد ان يحصل علي اموال كبيره جدا من التداول ولكن قد يحدث عكس ما يريد ويخسر خساره كبيره كما كان يتوقع الربح الكبير وهذا بسبب الطمع ولذلك فان عدم الالتزام باستراتيجيه التداول واداره المخاطر هي التي تجعل الطمع يظهر ويسيطر علي المتداول ايضا لابد ان يكون المتداول بحاله مزاجيه جيده حتي يكون قرارته جيده فعندما يكون ذهنه صافي فانه سوف يؤدي عمله بطريقه جيده وسلسه

تقبل مروري

[Mr_Radwan]

اخي الفاضل الفوركس علشان تنجح فيه لازم تعمل استراتيجيتك بنفسك ودى هتيجي الا لما تجرب معظم المؤشرات
والاستراتيجيات المتاحه وبعد كده نفذ استراتيجيتك وتابعها سنه علي الاقل علي زوج واحد فريم واحد مع الاستوب
الثبات والالتزام من اهم اسباب النجاح في المجال يعني لو كنت بتشتغل باستراتيجية متقنة ومتمكن منها ومر عليك اسبوع
ضربلك ستوبات متقولش عليها الاستراتيجية فاشلة لا ولا انت فاشل السوق هو المتقلب والغير ثابت خليك ثابت وملتزم
بطريقتك ومفيش داعي تضيع سنين وانت بتتنقل من طريقة ل طريقة وأخيراً نصيحة لوجه الله للناس الجديدة فى
المجال او الحسابات الديمو اللى ناوين يفتحو لايف اولا الديمو غير الحقيقى فى التداول فامتفرحش انك بتكسب ديمو
وتفكر ان الدنيا وردى كدة فعلا لانك اول ايداع ليك مش حاتعرف تنام وخصوصا لو صفقة عكست عليك فاهدا كدة
وحاول تلتزم بطريقة شغل وادارة راس مال ومتفرحش بحجم اللوت ثانيا ودة الاهم الفوركس حقيقة و الفريمات
الصغيرة خدعة اللى عايز ينجح فى المجال دة
1- ادارة راس مال صارمة
2- التزام باستراتيجية بحلوها ومرها
3- الاستوب لوز الشئ الوحيد الوحش اللى فى مصلحتك
4- المرونة فى التعامل
4 - بكرر ادارة راس الماااااال
5- ابعد عن الفريمات الصغيرة
6- اصبر على ربحك ومتصبرش على خسارتك.بالتوفيق لك تقبل مروري

[aborayan]

بسم آلَلَهّ الرحمن الرحيم اشكرا جدا على طرح هذا الموضوع. بالفعل حضرتك تناولت موضوع يهتم به جميع الاعضاء وهو اهم اسباب النجاح اى شخص خارج المجال بيعتقد ان المجال سهل والحصول على الاموال اسهل لكن بدخول المجال وجدنا عكس ماكان يقال لذلك التمتع بالعدرد من العوامل هى الاساس فى البقاء بالمجال وايضا سببا فى النجاح اهمها ان يكون المتداول لديه الرغبه فى تعلم المجال ويمتلك الصبر على ذلك فمعظمنا يدخل المجال بهدف الربح فقط دون التعلم. ايضا الاهتمام بتعلم التحليل الى جانب امتلاك الإستراتيجية المناسبه التى تتناسب مع طبيعتك كمتداول الى جانب معرفه نقطه دخول الصفقه المناسبه الامور دى بتسهل كتير جدا على المتداول الذى يجب ان يتحلى بالصبر والقناعه والذكاء. ايضا يجب ان يتخلى ويبتعد تماما عن التوتر والقلق والخوف وهذه الامور من اهم اسباب الخساره فى المجال. موفقين جميعا إن شاء الله

[Midoo55]

تحياتي لحضرتك
اخي الفاضل على الرغم من ان هذا الموضوع تكرر بشكل كبير جدا في الفتره الاخيره وتكلمنا كثيرا عن اهم عوامل النجاح التي تؤدي الى نجاح المتداول داخل الاسواق الماليه ومن ابرز واهم هذه العوامل
الخبرات والمهارات العمليه والنظريه التي يمتلكها المتداول داخل هذا المجال كذلك تكلمنا وايضا عن الاستراتيجيه و بناء استراتيجيه قويه واساليب محترمه للتداول من خلالها داخل الاسواق الماليه وان العشوائيه داخل هذا المجال تؤدي الى فشل التداول بشكل نهائي ولذلك يجب على المتداول ان يكون لديه هدف وطريقه يستخدمها من اجل ان يحقق هذا الهدف
ايضا
من المهم جدا ان تكون نفسيه المتداول قويه حيث يجب ان تكون نفسيه المتداول مستقره بحيث تكون قراراته جيده كما يجب عليه ايضا ان يكون لديه القدره على التفاعل والتعامل مع جميع الخطوات التي تواجه داخل هذا المجال مثل الخسائر وغيرها من المشاكل

[theknight]

بسم الله الرحمن الرحيم السلام تحياتي لك ولاعضاء المنتدي المحترمين دا اولا اما بخصوص موضوعك عن عوامل النجاح،كثيرا ما تحدثنا عن عوامل النجاح في سوق الفوركس هنا في قسم الموسوعه وانا ارى انه لا داعي لتكرار تلك الاسئله وعموما عوامل النجاح كثيره ومتنوعه تبدا في لحظه دخولك الاسواق الماليه وخصوصا عند تعلم استراتيجيه او طريقه عمل لابد على المتداول ان يكون عنده الاصرار حتى يتعلم علم حقيقي كذلك من عوامل النجاح هي البعد عن المشاعر السلبيه زي الطمع والخوف والجشع وغيرها من الامور التي تجعل المتداول يخسر دائماكذلك لابد من اداره راس المال الصارمه فهي طوق النجاه في الاسواق الماليه و ايضا استخدام الاستب لوز او وقف الخساره.وختاما اتمني لك وللاخوه الاعضاء مزيد من التقدم والارباح تحياتي

[ashraf aly]

السلام عليكم ورحمه الله وبركاته
توجد الكثير من الاسباب التي تؤدي الى النجاح في سوق الفوركس ويوجد الكثير من المتزوجين الذين يعرفون اسباب النجاح ومع ذلك الخساره وارده في الفوركس لان هذا السوق هو سوق غير مضمون وموثوق به مخاطر كبيره لكن بالنسبه الى اهم عوامل النجاح هي اداره راس المال كما ذكرت في موضوعك حيث تعتبر العامل الاول لتحقيق الربح في الفوركس اكبر فتره ممكنه لانه في حاله الخساره فان الخساره تكون قليله مقارنه بتحقيق الارباح اذا تم اداره راس المال واذا تم ايضا وضع وقف الخساره بعدد نقاط تقليد ان يكون الهدف هو ضعف وقف الخساره فهنا سوف تكون نسبه ارباحك اكبر من نسبه الخسائر اما عامل الاخر للنجاح وهو وجود استراتيجيه للتداول لها نقاط دخول محدده اما العامل الثالث وارى انه اكثر اهميه وهو العامل النفسي حيث يجب علينا التحكم في العاطفه والمشاعر اثناء التداول وبالتوفيق لك وتقبل مروري

[ilyas omari]

السلام عليكم ورحمة الله وبركاته

نجد بأن النجاح في سوق الفوركس لا يحتمل على عوامل محددة مبدئيا هي يعرفها الجميع في سوق و لكن غياب التطبيق عليها هو المشكل في فشلنا في هذا السوق فنجد بأن كل مضارب بيعرف ان الطمع و اللوت العالي و كذلك عدم إدارة راس المال و القلق و الكثير هي سبب الخسارة و بيوقع فيها و لكنه عوض ان يصلح حاله نجده مرارا و تكرارها بيقع فيها و دا هو المشكل

فمن الناحية الشخصية أرى أن هنالك عاملين للنجاح في سوق الفوركس بعيدا عن الأساسيات اولا وهو الاعتماد على نسبة ريشيو مرتفعة في كل صفقات بحيث نجد بأن الأمر كله بيتوقف على ذلك و تقدر من خلال ذلك تخرج بمحصلة ناجحة

و الأمر المهم الثاني هو التخصص و اقصد بذلك العمل فقط و التركيز على زوج عملات واحد فقط أو أزواج لعملة واحدة مما يتيح لك فهم جيد و قراءة لحركة الزوج مما ينتج عنه سهولة في الربح منه باسهل الطرق التحليلية