نصائح للحصول على بونص جيد من المنتدى

[alaa50]

السلام عليكم
اتمنى الموضوع يكون مفيد لاى حد عايز يوصل لبونص جيد فى المنتدى

الحقيقه بدون ذكر اسماء او الدخول فى مهاترات ملهاش لازمه
بعض الناس بتعمل تقييم سئ لبعض مشاركاتى بادعاء انى بنسخ او تلميحات انى تبع الاداره او او او
تمام
مرينا كلنا بالوقت اللى فكرنا فى نظرية المؤامره لتفسير عدم وصول بونص كويس
وانا من الناس توقفت تماما عن المشاركه فترات لانى بكل وضوح كنت شايف ناس معينه بتاخد بونص عالى جدا وناس بتاخد قليل جدا بفارق صعب تفسيره الا بوجود مؤامره فى الموضوع
بس يمكن متماديتش فى مشاعرى السيئه انى ادخل اعمل تقييمات سيئه (بالمناسبه سالت الاشراف واتقالى انه اى تقييم سئ انت بتقدمه مش بياخد حيز التاثير الا لو تم مراجعته من مشرف وشاف فعلا ان المشاركه سيئه )
فاكيد كتابتى للموضوع ملوش علاقه بتقييمك بس فكرة ان حد لسه مضيع وقته فى افكار غير انه عنده سبب هو نفسه لازم يظبطه خلتنى اكتب الموضوع

انا برده فضلت كتير بفكر فى اى حاجه الا التركيز على طريقة شغلى نفسها
احنا بنتعامل مع روبوت او كمبيوتر بيحلل مشاركاتك ويقيمها مش بنى ادم

تجربه مثلا وهتلاقوا مكتوب بيها موضوع فى الدعم
ودا اللينك
https://forex-arabic.com/showthread....1#post11612112

اسبوع وصلنى بونص عالى جدا لدرجة مصدقتش انه حقيقى الا لما تداولت بيه وسحبت ارباح
فقولت تمام بقى المنتدى والشركه بتدينا بونص حلو فاهتم بالمشاركات اكتر
وفعلا بدئت قللت عدد مشاركات بس طولت المشاركه وخليت شرح طويل ووو
اتفاجئت ببونص الاسبوع دا كان 1 دولار تقريبا
كانت صدمه ايه يعنى اللى حصل
وهكذا شغال فى الدوامه دى

ودا اسكرين للبونصات اللى وصلتنى توضح التذبذب الفظيع فى حجم البونص بين عالى وبين قليل جدااا
بالرغم من تقديمى محتوى كويس يقدر اى حد يشوفه فى بروفايلى ويراجعه
ولكن الغلطه كانت التنطيط بمعنى عدم الاستقرار على طريقة شغل معينه
اسبوع اعمل مشاركات قليله واسبوع مشاركات كتير
مره انشر مشاركاتى فى المواقع لجلب زوار ومره اكسل كام يوم




ودا الحقيقه اللى وصلنى للتفسير اللى جاى

نيجى بقى للتفسير اللى الى الان هو مجرد وجهة نظر قد تكون صحيحه وقد تكون خاطئة

الفكره تقريبا فى طريقة التواجد واضافة الردود والزوار لمواضيعك
ونصيحتى هنا
حاول تصيغ طريقة مشاركات جيدة وبمعدل كويس واستمر عليها دائما كالتالى

محتوى جيد ومشاركات فعلا مفيده وابعد عن المشاركات القصيره
مفيش مشكله على فكره انك تتكلم فى نفس الموضوع كذا مره
وانا هتلاقوا مشاركات فى نفس الفكره ولكن باسلوب مختلف دايما
ودا من خلال تجربتى ... ساعات جمله مختلفه هى اللى تخليك تروح تقرى الموضوع او تشدك
يعنى مثلا فكرة الاخبار وفهمها كانت فكره مغلقه بالنسبالى تماما وببعد عنها
عشرات المواضيع عن فكرة الاخبار فى التداول شوفتها فى مواقع ومنتديات بشكل مكرر لحد مجه موضوع فى يوم ما لمس دماغى يمكن التوقيت يمكن الحاله يمكن الاسلوب
مش عارف
بس بدئت اشوف ان تكرار فكره هنا فى المنتدى عادى ومش مشكله طالما بتتناولها كل مره بصيغ مختلفه

تانى نصيحه نسبة كويسه من مشاركاتك مثلا 20% منهم خليهم شرح لحاجات بالصور
يعنى التحليل مثلا دائما خلى عندك شرح وتوضيح لحركة السعر مع شارت واضح

ثالثا
محتواك حصرى ومن دماغك فعلا لو معندكش معرفه بالمجال ومعندكش قدره للتحليل بنفسك طب انت بتاخد بونص هتعمل بيه ايه؟؟
مانت مش هتستفيد بيه
فلو انت معندكش محتور ركز الفتره دى فى التعليم والتدريب عشان تفهم المجال فتقدر تقدم محتوى كويس وفى نفس الوقت تستفيد من البونص لما يوصلك

ثالث نصيحه وهو جلب زوار لمشاركاتك
واللى بيلجأ فيها البعض للتبادل او لعمل لايكات زوار لنفسه
وواضح ان ملهاش اى لازمه برده
وان المصدر الصح للايكات هو اللى بيتحسب

انت اصلا مش محتاج لايكات كتير
معدل لايك بسيط يبقى مفهوم للسيستم اللى بيقيم محتواك انك شخص بتقدم محتوى ليه جمهور ولو بسيط بالتالى المنتدى والشركه بتستفيد باحتمال حصولهم على عملاء جداد
وافضل مصدر هو انك يكون ليك جروب او بيدج على فيس بوك او تويتر او مدونه على جوجل ليها جمهور وتضيف دايما لينكات مواضيعك
لو جروبك فيه 100 ولا 200 واحد بيدخلوا لينكاتك وبيحصل من ربعهم حتى تفاعل بلايك يبقى انت كدا تمام

دى نهاية كلامى بعد مرور بكل المراحل اللى بتمروا بيها ومازلت بفكر على فكره
اه بقالى كام اسبوع باخد بونص حلو وبعضكوا بيبعت يسالنى على الخاص بتحصل على بونص كويس ازاى
بس الله اعلم ميمكن اللى فهمته دا كله غلط والاقى نفسى باخد بونص قليل
ادينى بحاول فقط التركيز على ادائى
ومليش علاقه مين شغال ازاى
لو شوفت مشاركات سيئه متاكد انها منسوخه هعملها ابلاغ
وبس كدا مركز بقى فى شغلى انا

اختصار للى فات كله
عايز بونص حلو
تواجد فى المنتدى
قدم محتوى حصرى وصحيح
جلب زوار صح لمشاركاتك
استمر على نفس الاسلوب فى الشغل بدون تغيير لانه الامر اشبه بتقييم بلوجر ويوتيوب
قد تبدء العمل بتقديم محتوى جيد وتحصل على مقابل قليل جدا لكن استمرارك فى تقديم المحتوى وبدء وصول زوار هو فقط اللى بيرفع قيمة المقابل المادى

اتمنى لو اللى فهمته صح ومفيد ان المشرفين يثبتوا الموضوع

[alsole]

انه من الامور الرائعة حقا ان اجد شخص يعمل على تحقيق ما هو مطلوب لمصلحة الجميع وبالتالى اريد ان اشكرك على هذا المجهود حول الافصاح عن مجموعه من الاعوامل التى تؤدى الى الوصول الى هدف جيد وهو الحصول على بونص كبير ولكن فى حقيقة الامر اود ان اخبرك انه يجب على كل فرد يشارك فى هذا المنتدى الكبير ان يضع المعلومات التى تنفع الناس وبالتالى سوف يتمتع بمصداقية جيده فى هذا الوقت سوف يجد مجموعه من المتابعين له واللذين سوف يقدمون له الدعم على المنشورات الخاصة به وبالتالى سوف يكون عضو مميز بعيدا عن البحث والجرى وراء الاموال فقط لان عند نشر هذا العلم الكبير سوف تتعلم انت ايضا من منشورات الاصدقاء وهذا سوف يدعم طريقك الى النجاح حتى اذا لم تتمكن من تحصيل بونص عالى سوف تسطيع تحويل هذا البونص الى ارباح كبيرة اتمنى لك التوفيق.

[tamermosa]

اشكرك اخى الفاضل على موضوعك القيم عن الحصول على بونص محترم ، بالفعل موضوعك افاد لي لأنى انا و بالطبع كل من في المنتدى مصابين بعدم فهم كيفية حساب البونص لاننا نعانى من فترة و نشتكى من وصول بونص ضعيف جدا قد لا يتعدى في بعض الاحيان الدولار الواحد و اتمنى ان تكون استنتاجاتك صحيحة حتى نستطيع جميعا ان نستفاد منها و نحصل على بونص جيد و ارجو من الادارة التعليق على موضوعك و الاضافه اليه بأي معلومات أخرى تفيدنا كأعضاء للمنتدى مع جزيل شكرى مرة اخرى

[ashraf aly]

السلام عليكم ورحمه الله وبركاته
مبروك عليك البونص اخي واتمنى ان تستمر في تقديم الموضوعات المميزه وانت من الاعضاء المميزين الذين يضعون موضوعات جيده ولكل مجتهد نصيب اخي وكما ذكرت في موضوعك انك قد حصلت على بونص سيء في الشهور الماضيه ولكن هذا البونص السيء لم يحبط عزيمتك واتمنى لك التوفيق اخى واتمنى ايضا ان يحالفنا الحظ في الاسابيع القادمه وان يحصل الجميع علي بونص جيد وبالتوفيق لك وتقبل مروري

[Magnam]

مما لا شك فيه اخي الكريم ان هذا الموضوع الذي قمت بطرحه الان علي جانب كبير من الاهميه لانه تناول معاناة معظم الاعضاء هنا
في البدايه دعني اوجه لك الشكر علي شجاعتك في نشر البونص الذي حصلت عليه فالكثير من من يحصلون علي بونص مرتفع يعتقدون انه سر حربي .
في الحقيقه لا احد يعلم الطريقه الصحيحه لجعل البونص يأتي بطريقه مرضيه .. فأنا شخصيا ساعات اعمل و احصل علي بونص متدني و ساعات اخري لا اعمل و احصل علي بونص متدني ايضا ههههههه... لا يوجد شئ يمكنني ان اقيس عليه بكل امانه .. لا يوجد لدى سوا مواصلة العمل و الامل في ان تنصلح الامور في القريب العاجل ... نصيحتي لك حافظ علي البونص فلا تعلم متي سوف تحصل عليه مره اخرى في مثل هذه الظروف
تقبل تحياتي و مروري

[tazi larbi]

السلام عليكم والله موضوع رائع اخي الكريم حتى انا مع انني من قدماء المنتدى لكنني بعد الذبذبة التي حدثت مؤخرا وربما والله اعلم لكلرونا يد في ذلك بما انها اخلطت اوراق الاقتصاد العالمي لهذا فالشركة ربما اصبحت مضطرة للتاخير قليلا وييبقى راي الخاص قابل للصح او الخطاء.
وكما ذكرت انني ابتعدت لكن موضوع الاخ علاء فعلا اعطاني طاقة اجابية وحفزني للعودة الى المنتدى وعلى قوله هو نظام الى وربما ان فقدك ايام ستصبح غير موجود بالنسبة لها والتواجد المتتالي يصبح اتوماتكيا محسوب.
لهذا اخي اقول ان كلامك منطقي جدا جدا مع انني وضعت احتمال الازمة المالية في الاول لكن ارى ان ما طرحه الاخ عماد الاقرب بما اننا نتعامل مع سيستام .
وارى ا ن يعودالجميع الى العمل كما في السابق وفي الاخير هي ارزاق بيد الله وكلنا لن ياخذ الا ما كتبه له الله ولا نكر ابدا ان الشركة والمنتدى قدما لنا الكثير الكثير ولا ينكر احد ذلك.
في الاخير شكرا لك اخي الكريم على الموضوع الممتاز والمحفز اتمنى لكم النجاح والله الموفق

[almajek22]

السلام عليكم والله موضوع حضرتك جه في وقته انا من فتره كبيره اشتركت في المنتدي وكنت نشط فيه جدا ايام النظام القديم ورجعت من فتره بس شايف ان فيه تغيرات كتير في نظام البونص وحاولت كتير الافي موضوع بيشرح التغيرات في النظام الجديد ومن الملاحظ ان البونص بقا اسبوعي ودا شي كويس اتحفزت للعمل تاني علي المنتدي فشكرا لحضرتك واتمني للكل ان شائ الله يحصلو علي بونص كبير

[manark]

انا متشكره انك شاركت بتجربتك فى البونص وواضح فعلا وصول بونص احيانا كويس واحيانا قليل جدا ولعل وعسى اللى انت استنتجته يكون صح ويبقى البونص الخاص بيك مستقر بعد كدا
انا جديده فى المنتدى ويمكن فعلا بيوصلنى بونص قليل بس انا مستمره فى المشاركه وان شاء الله فى يوم نبقى من الاعضاء اللى بتضيف محتوى كويس للمنتدى وبالتالى نحصل على بونص جيد نستفيد منه فى السوق .

[lotmani1987]

موضوع مهم فعلا خاصة مع التغيرات الحاصلة في المنتدى في طريقة توزيع البونص والدي في غالب الاعضاء لم يستوعبوا طريقة توزيعه مابين مشركات قليلة وبونص جيد وبين مشاركات كثيرة وبونص قليل جدا واختلاف الامر بين عضو واخر، ولكن يبقى احتمالية تفضيل البعض على الاخر احتمالية ضعيفة جدا ولا تمد بصلة للمنطق ولكن هناك امور مازالت مخفية بسببها لم ندرك سبب البونص الضعيف جدا الدي يصلنا رغم عديد المشاركات ومن هنا نستنتج اول نقطة وهي الاهم:
ان قيمة بونص ليس لها علاقة بعدد المشاركات ابدا وانما لنوعيتها.
كما ان امر الجامات فعلا اصبح غير مجدي وهو امر جيد فالكثير في السابق كان يتحايل بهدا الخصوص.

اما الامر المجير بالنسبة لي والدي اضن انك اشرت لامر قد يكون هو سبب مشكلتي السابقة وهو اني كنت احصل على بونص جيد وبنفس طريقة العمل احصل على بونص ضعيف جدا والسبب في دلك قد يعود كما اشرت لانقاطعي لفترة ولكن ساحاول من الان وصاعدا الانتظام في مشاركاتي لعل الامور تتغير لاني ومند فترة طويلة البونص الدي يصلني ضعيف جدا وغير قابل للتداول.

موفقين ان شاء الله

[Ahmedshakeer]

مشكور اخي علي التوضيح انا سايب المنتدي من زمان برضه وكنت بكتب مواضيع في المنتدي الاجنبي وبعدين وقفت الاتنين وجيت ارجع هنا تاني بس كنت مقلق من حوار البونص ده لانكان فيه ناس كتير بتشتكي منه هنا في المنتدي وانه مش بيوصلها اي بونص .
فنحاول نمشي مع كلامك ونشوف الوضع.