فى ناس كانت بتسأل عن إمكانية تحقيق ربح عن طريق شراء عملة معينة على منصة وبيعى على منصة تانية بسعر أعلى
الطريقة الفعالة اللى ينفع يتعمل بيها كده (واللى بيعمل كده غالبا بوتات مش بشر لإنها بتتعمل خلال ثوانى مش أكتر) هى إن يكون ليك رصيد فى المنصتين بالفعل ولما يكون فى فرق سعر بتشترى من المنصة الرخيصة كمية معينة وتبيع فى المنصة الغالية نفس الكمية بالسعر الأعلى فى نفس اللحظة مع مراعاة عمولة الشراء والبيع فى المنصتين، ساعتها يبقى انت مجموع أرصدتك فى المنصتين مع بعض من العملة دى زاد بمقدار فرق السعر ناقص العمولة ولما العملية دى تتعمل بشكل كبير بأرصدة كبيرة يغطى عمولات السحب والتحويل بين المنصات بيبان فيها الربح فعليا
العملية دى مش بس بتتعمل بين المنصات وبعضها، ولكن داخل المنصة الواحدة بين ٣ أسواق أو أكتر لنفس العملة بحيث إنك عندك رصيد لعملات الأسواق دول وفى فرق فى الأسعار بحيث إنك تقدر تعمل عمليات بيع وشار فى السواق دى ورصيدك النهائى يساوى نفس رصيدك قبل عمليات البيع والشراء + الربح، وطبعا كل ده بيبقى محسوب بدقة قبل التنفيذ وبتتنفذ العمليات كلها فى نفس اللحظة تقريبا علشان يبقى إحتمال إقتناص الفرصة قبل حد تانى وتنفيذ العمليات فى الوقت المناسب عالى
العملية دى (سواء فى نفس المنصة أو بين منصات مختلفة) عملية مشهورة ومعروفة بإسم Arbitrage وواحد من برامج ال bots المشهورين اللى بيدعموا العمليات دى هو HaasBot وأنا جربته بالفعل من فترة طويلة بس كان غير مجدى، بس الكلام ده كان زمان وكان لسة مش متقدم بالشكل اللى موجود بيه دلوقتى، ومعرفش دلوقتى بقى أفضل ولا لأ