البيتكوين للمبتدئين 101
هاشرح سريعا تاريخ تطور الفلوس
الفلوس بدأت من قدم التاريخ يمكن الحاجه الوحيده المستمره من الحضاره الانسانيه
المرحله الاولى بدأنا بالدهب والفضه كسند حقيقي ومعروف
واستمرينا عليها زمن طويل لحد بعد الحرب العالميه وتم اتفاق عالمي بالاستناد للدولار لأنه مسنود بالدهب
نيجي المرحله التانيه والأهم
ريتشارد نيكسون رءيس اامريكا سنه 1971 أعلن أن الدولار مبقاش مربوط بالدهب امال مربوط بايه يا معلم مربوط بالحب اه و الله زي ما بقولك كده
الدولار اصبح مربوط بالحكومه والثقه في الحكومه والبنوك
البنوك بتطبع ورق وبتضخ فلوس بدون استناد بترفع اقتصاد وهمي بدون سند حقيقي من الدهب
مجرد شويه ارقام عالكمبيوتر و داتا بيز لتسجيل الارقام
إذن الفلوس اللي فالعالم دي مش حقيقيه
البيتكوين أنشأ بعد الازمه الاقتصاديه سنه 2008
القاعده بتاعته بلوك شين القاعده بتسجل كل حاجه في تاريخ العمله محدش يقدر يغير فيها لانها اوتوماتيك ومحدش بياكد التحويلات غير ناس عاديه اللى هما المعدنين
البيتكوين عمله ند لند يعني بتتعامل مع شخص بدون وسيط
العمله ملهاش رءيس ودي ميزه ملهاش حكومه ملهاش بنك مركزي يطبع منها وقت ما يعوز ويورط الأجيال اللي بعده
دي الجزء الاول لو حد مهتم أن شاء الله هكتب جزء تاني
وهو تاريخ العمله