انت وشخصيتك في التداول

[abo.tali.wtalin]

معظم المتداولين وخاصة في الوطن العربي بيدخل سوق الفوركس على أساس إنه مغاره على بابا و وهيدخل يجيب منه دهب وياقوت ومرجان ????
وتلاقيه داخل بحساب 1000 دولار مثلاً وعايز يدخل صفقه واحده يكسب فيها 200 دولار ويقعد يحسب ارباحه بعد سنه مثلاً يلاقي معاه مليون دولار* و حقق كل احلامه
للأسف ناس كتير في دول الخليج بتخسر مبالغ كبيرة جدآ بتوصل ل50 ألف دولار في يوم واحد نتيجه أنه بيدخل يضارب بأحجام كبيرة جدآ وكأنه في صاله قمار* وفي النهاية يخسر كل فلوسه
وعلى إعتبار إن كل الفلوس إللي بيخسرها العرب بيكسبها الأجانب للأسف هتلاقي إن الناس دي بيكسبو من ورانا ملايين الدولارات

الحاله المزاجية
ودي من أهم العوامل النفسية إللي بتأثر على قرارتك
السهر وقله النوم والمشاكل* والمؤثرات الخارجية أيا كانت بتأثر تأثير سلبي على قرارتك

الضغط
إنك تكون تحت ضغط أي التزامات ماديه تخليك خايف على فلوسك أو إنك حاطط كل رأس مالك في الفوركس هتخسر أكيد إلا إذا كنت محترف بمعنى الكلمه

التشتيت
متابعه قنوات ومحللين كتير وده يقولك بيع تروح بايع وده يقولك أشتري تروح قافل وتلاقيك مش عارف تاخد قرار
حتى رأيك وقناعتك الشخصيه بتلاقيها تاهت وسط الزحمه????

عارف ليه لما بتفتح حساب تجريبي بتكسب وبتخسر في الحقيقي
لأن ببساطه في التجريبي بتتجرد من كل المشاعر الإنسانية إللي بتسبب الخسارة.وبتدخل بهدوء أعصاب وقلب جامد وعدم تردد وصبر وممكن تسيب الصفقه وتنساها وتفتح تلاقيها جابت الهدف
طبعاً مستحيل تتعامل مع الحساب الحقيقي بالنفسيه إللي هتتعامل بيها مع الحساب التجريبي بس ممكن تقدر تسيطر على كل ده بأنك تدخل بحجم عقد قليل بالنسبة لرأس المال هتلاقي نفسك مرتاح ومش فارق معاك الانعكاس و بتصبر على صفقتك وبتحقق ربح معقول

أنا بتعامل مع السوق ده بناءا على قناعات شخصية
زي إن السوق ده عباره عن بحر كبير جداً وفيه كل انواع وأحجام السمك وفيه سفن صيد ضخمه واساطيل* ومراكب صيد وقوارب
و ليله كبيره أوي سعادتك????
أنا بقي بالنسبة لده كله مجرد صياد صغير أوي معايه صناره صغيره بصطاد سمك صغير على أد امكانياتي
لو طمعت وفكرت انزل وسط الأساطيل دي واصطاد سمكه كبيره بامكانياتي المتواضعة دي هضيع في ثانيه ومحدش هيحس بيا ولا هيشوفني أصلا

تاني حاجه مقتنع إن فيه صانع للسوق أو نظام إلكتروني بيتحكم في حركه السعر ومهمته أنه يخسر اكتر عدد من المتداولين
يعني مثلا يشوف ناس كتير شاريين يروح نازل ضارب استوباتهم ومصفي أكبر عدد ممكن وناس تخرج وناس تيأس وناس تبيع وتقولك خلاص هابط يروح طالع وهكذا وطبعا الأساليب دي بتتغير مش ثابته

الخلاصه..
الفلوس إللي هتشتغل بيها مش هقولك تبقى مستعد تخسرها لأن ده غلط وما ينفعش أساسا تخسر كل حسابك أو تتمرجن
المهم انها متكنش سبب ضغط نفسي

حجم عقد صغير ما يزدش بأي حال من الأحوال عن 0.1 لوت لكل ألف دولار لو بتشتغل باستوب لوز

اقتنع إن نسبة 10% من رأس المال شهرياً مفيش مشروع في الدنيا ممكن يحققها ارباح صافيه

عيش نمله تاكل سكر????????

لو حابب تغامر يبقى حساب منفصل من ارباحك بعيد عن الحساب الأساسي

وفر جو مناسب ليك للتداول بعيد عن أي مؤثرات عشان تبقى مركز
ما تدخلش السوق وأنت سهران أو مصدع أو زعلان
اوعى تستلف أو تاخد قرض عشان تشتغل في الفوركس
الفوركس بحره واسع أوي ما تحاولش تتعمق فيه وتدرس كل انواع التحليل الفني والأساسي لأنك هتوه واكتفي بالاساسيات مع احتراف نوع واحد من أنواع التحليل الفني

في النهاية* طبعاً ده كلام مرسل بدون أي ترتيب لأني مش بعرف اكتب مقالات وناتج عن تجربتي الشخصية وحبيت اشارك بيه يمكن يكون سبب إن حد يستفيد منه ????

[elzoz.magdy]

كلام مضبوط المضبوط اخي الناس بتدخل مجال الفوركس وراء حلم الثراء ولكن لا يتجهون الي التعليم ولا يعلمون انهو مجال اهم حاجه في الممارسه والتعليم فانها شىء معم جدا فالتعليم
وكمان الانضباط النفسي مطلوب والارتكاز ومن جديد حجم الوت متوقف علي قيمه راس المال والرافعه الماليه
ونسبه عشره بالميه هي نسبه جميله جدا ولا تكن طماع لان الطمع بيؤدي الي الخساره السريعه
عليك بالانضباط

[hamadasalama2]

قاعدة تعلمناها منذ الصغر وتسير علي اي مبدأ في حياتنا وهي ان الطمع بيقل ما جمع .
اي شخص بيتعشم في سوق العملات الفوركس باكثر من الوضع الطبيعي للسوق ولم يقدر حجم السيوله الكبيره الموقعه علي سوق الفوركس للاسف الشديد بتكون فكرة خسارة امواله هي مسالة وقت .
اجعل مبدأك الاساسي ان يكون لك ربح شهري وسنوي ثابت من سوق الفوركس ولا تفكر في فكرة الثراء من هذا السوق لانها فكرة عقيمة وكل شخص فكر في الثراء من سوق العملات خسر كل امواله لان الطبيعي لما بتفكر في الثراء
من سوق العملات بتدخل في صفقات فول مارجن وبالتالي فان فكرة الفول مارجن بتخسرك سريعا في حالة انعكاس السعر عليك .
القاعدة الادارية في التداول بتقول انك علشان تخسر كل راس مالك لابد من خسارة ثلاثون صفقة متتاليه اما انك تدخل بكل اموالك تخسرهم في 100 نقطه هذا امر عاري تماما من المهنية وهو اشبه بالقمار فلكي يكون سوق الفوركس هو سوق تجاره لابد ان تكون التجاره بهذا الشكل تشتري شئ ممكن تكسب فيه وممكن تخسر فيه لكن المؤكد انه لا يجوز ان تضع كل اموالك في شئ واحد اذا خسرته خسرت كل شئ فهنا اصبحت مقامرة وليست تجاره

[eeeyooo]

نصائح وخلاصه تؤكد فهمك بالصوره الصحيحه لسوق الفوركس والتداول ومهم جدا ان يعرف المتداول حجمه في هذا السوق وحجم الحساب الذي يتداول به اي ان لا يصح ان يكون لديه حساب صغير او متوسط ويريد ان يحقق أرباحا كبيره لان ذلك سوف ياخذه الى المخاطره والدخول بعقود مرتفعة لا تناسب حجم راس المال وذلك يجعله يتكبد الكثير من الخسائر في حاله فشل صفقاته ايضا ان ياخذ التداول في شكل طبيعي لا يدخل مع السوق في سباق ولا عناد محاول ان يكون ملتزم بكل ما تعلمه حتى يستطيع ان يحقق ارباحا بشكل ثابت و بخساره قليلا لان تعد هذه هي المعادله التي يسعى اليها الكثير من المتداولين

[ohabaiba]

إذا كنت تريد أن تعرف وتفهم ما هو الطريق إلى تداول فوركس ناجح فأنت بحاجة إلى التفكير كمتداول محترف
ما الذي تفعله حقًا لتحقيق أرباح كبيرة إذا حاولنا التعلم واتباع القواعد الخاصة بك بعد ذلك الفرص عالية جدا
أنه يمكننا أيضًا أن نكون متداولًا ناجحًا في فوركس فمن المهم جدًا أن نأخذ هذا العمل بجد وان تحاول فهم مفهوم الاستثمار
إذا كانت لدينا المعرفة الأساسية فيمكننا البدء في جني الأموال بسهولة لكي تصبح تاجر فوركس فاننا نحتاج إلى معرفة ومعلومات كافية حول هذا الفوركس
نحتاج إلى أن تكون هذه المكونات جزءًا من عقلية أعمالنا