الرافعه الماليه والمارجن كول

[abo.tali.wtalin]

الرافعة المالية والمارجن و تحديد قيمة اللوط
ناس كتير سألت بخصوص الليفريدج ومش عارفين الزيادة حلوة ولا وحشة وللاسف محدش بيعطى اجابة تفصيلية واحيانا اجابات فيها نسبة من الخطأ
.

للتفصيل لازم نوضح بعض النقاط
الرافعة المالية مرتبطة بالمارجن ليفيل Margin level بمعنى المارجن ليفيل يزيد مع زيادة الرافعة
والمارجن ليفيل كل ما يزيد عن 100% كان افضل ... بمعنى لو 2000% افضل من 1000% .... لضمان سير الصفقة بدون مخاطرة
يوضع فى الاعتبار ان المارجن ليفيل ايضا يقل مع زيادة سعر العملة ( مثال اليورو-دولار سعره 1.18 يكون مارجن ليفيل اعلى من الذهب سعره 1800 ) ..... و دى نقطة مهمة جدا للى يختار لوط الذهب = نفس لوط اليورو ويخدع نفسه انه يقوم بإدارة راسمال صارمة
ويزداد المارجن ليفيل ايضا مع زيادة الاكويتى Equity فيراعى اختيار قيمة لوط مناسبة لا تجعل الاكويتى يقل كثيرا فى حالة الخسارة السالبة
.

نستنتج مما سبق ان زيادة الرافعة المالية - حسابيا - هى الافضل لبقاء الصفقة بدون مرجنة
اما من يقول الرافعة الاقل افضل هو يقصد وجود لجام للمبتدئ يمنعه من التهور
.

وايضا نستنتج ان زيادة الرافعة افضل لكن بشروط
اختيار زوج عملة مناسب يكون سعر* الزوج قليل قدر الامكان
إختيار قيمة لوط مناسبة حتى نحافظ على قيمة الايكويتى فى حالة الخسارة ولا يحدث مرجنة
لو اردت الدخول فى ازواج اسعارها عالية مفيش مشاكل بس يكون رصيدى كبير ....... بالتالى الايكويتى سيظل كبير بالتالى سيظل المارجن ليفيل كبير ( لان الايكويتى = الرصيد - الخسارة)
.
الخلاصة
رافعة كبيرة + رصيد معقول + لوط صغير
تفتح صفقات وانت مرتاح بدون اى حسابات

[elzoz.magdy]

الكثير يسال عن الرافعة المالية الانسب للمبلغ المتوفر لديه حسب وجهة نظري انه عندما تكون تعمل بإدارة راس مال فالرافعة زادت او نقصت لا تفرق ١:١٠٠ او اعلى بيجي هنا السؤال متى تفرق انا اعتقد انه من الحالات ال تفرق فيها الرافعة عندما تدخل صفقة فل مارجن اذا فيه حالات اخرى أتمنى الإفادة من الجميع

[salijoh889]

السلام عليكم و رحمة الله و بركاته بالنسبة لموضوعك عن الرافعه الماليه والمارجن كول على عكس الشائع و هو ان المستثمر المبتدأ لا يملك فرصة في النجاح بل بالعكس لديه العديد من الأدوات والأساليب التي تساعده على تكوين استثمار ناجح والوقت يعتبر عاملا مهما جدا سواء في أسوق الأسهم أو السندات أو غيرها لكنه يعتبر من جوهر العمل في أسواق تبادل العملات الأجنبية الفوركس بالذات خصوصا أنها أكبر سوق في العالم من حيث حجم التداول إذ يتم تداول مليارات الدولارات يوميا بين متداولي الفوركس كذلك فإن سوق الفوركس تعمل على مدى ٢٤ ساعة دون توقف وهو ما يتطلب متابعة مستمرة ومعرفة تامة بما يجري في السوق طوال الوقت خصوصا مع التقلب والتغيير المستمر في هذا النوع من الأسواق وهو يفترض ضرورة التأهب الدائم من المستثمر لاتخاذ القرارات كل تلك العوامل تجعل التداول في الفوركس أمرا غير سهل أبدا ويحتاج معرفة وخبرة في كيفية التداول واختيار اللحظة الأنسب لعقد الصفقات والسلام عليكم ورحمه الله وبركاته

[captin]

الرافعه الماليه استخدامها خطر جدا لانها للاسف محدش بيفهمها صح وبيستخدمها التجار غلط وبتدخل برافعة الماليه كبيرة وتدخل صفقات كثير في وقت بسيط وده مش معقول تبقى هي دي طريقه التداول في سوق الفوركس الاجانب بيستخدمه الرافعه الماليه صح وفي شركات هناك مش بتديك رافعه ماليه كبيره لان ده اصلا غلط ان انت بتشتغل برافعه مالية وتخليك تغامر كثير وتدخل في صفقات كثير بتبقى فيها المخاطره عاليه وهي دي المشكله اللى بتقابلنا كلنا ان احنا معندناش ازاي نشتغل العقل و بالهدوء و بندخل في صفقات كثير و عايزين نكسب وندبل للحساب بتاعنا وده المشكله ان انت بدل ما تكسب تلاقي نفسك خسران في الاخر