نصايح في رحله مبتدا
وانت في رحلة تعلمك كمبتدء بعد شهر او شهرين ف الديمو
ضروري جدا كل استراتيجية تشوفها تفتحها وتنزل مؤشراتها
هتلاقي نفسك بدأت تفهم يعني ايه استراتيجية ويعني ايه شروط معينة لدخول الصفقة وهتلاقي نفسك فاهم استراتيجيات للبولنجر واستراتيجات للموفنجات واستراتيجيات للبرايس اكشن ووو الخ وكل ده بيعلمك الموشرات دي بتستخدم ازاي وبتفهمك ازاي بنتعامل مع الشارت عموما ومعني اشارات الموشر بالنسبة للسلوك السعري .. وهتستخدم الاستوكاستك والبولنجر كتير اوي ف المرحلة دي ومش هتحب الموفنجات خالص
وهتستفاد كمان انك هتلاقي معاك رصيد لا باس به من المؤشرات .. ومفيش محترف الا وعارف كل الموشرات دي لانه جربها كلها
وكمان لازم هتمر بمرحلة انك تجرب كل موشرات الميتاتريدر الافتراضية .. لو لسة ممريتش علي موشرات من الافتراضية يبقي لسة قدامك جولة ف التعلم
بعد كل ده هتبتدي تفهم ان الموشرات دي لتوصيف السلوك السعري
. واحدة واحدة هتتخلص من الموشرات وتبدا تحترف الكلاسيكي وتستغني عن الموشرات او هتخليها عوامل مساعدة .. وهتحب النماذج السعرية .. ولو عينك اخدت علي النموذج 21 مرة هيتخزن ف العقل الباطن
وهنا يبدا اول خيط من خيوط فهم الشارت بطريقة بسيطة .. لكن بدون خبرة
هنا بقي تابع الجروب كل يوم بمعني الكلمة. وكل البوستات .. وكل الاوقات .. كل يوم هتلاقي معلومات جديدة .. هتجري تفتح جوجل تشوفها .. معلومات كتير هتفيدك .. خدلك 5 شهور في الحوار ده هتلم معلومات عنب حتي لو ف حاجات مش بتستخدمها بس هتبقي عارف انت مش عايز تستخدمها ليه
لو انت مشروع متداول جيد هتلاقي نفسك سبقت ناس كتير من اللي بداو قبلك .. وهتلاقي اصرار للتعلم مع التقدم مش بيحبطك اللي بيشتموا في الفوركس الله اعلم بيقولوا كدة ليه لاننا ف عصر التناقض التام
لحد اول مرجلة ع الديمو تدخل صفقات وتخسر لكن مع اول سلسلة مكاسب هتاخد ثقة انك تقدر تعمل كدة ع الحقيقي .. بس بشرط يكون حساب الديمو بسوب لوز ولوت صغير وتحقيق نسبة صغيرة من راس المال وتكون مقتنع باللي بتعملة
جو التدبيلات ده هو اللي مودي العرب ف داهية