السلام عليكم
كيف تنجح بالفوركس
الفوركس وازاى نحقق ربح ونجاح فى المجال دة مجال بيخسر فية اكتر من 95% من المتداولين
كتير بنقع فى اخطاء بنخسر بسببها ونبقى مش عارفين اية الحل وازاى نكسب ونستفاد من السوق باقصى استفادة ممكنة
خلينا نقول ان النجاح فى اى مجال مش سهل ابدا ولابد من الخبرة والخبرة بتيجى من المعرفة فا بالتالى التعليم اهم سبب للنجاح بالفوركس
1التعليم: مفيش نجاح وربح بدون فهم اساسيات الفوركس ازاى تفتح منصة التداول الميتاتريدر ازاى تنفذ الامر بيع شراء ازاى تحلل العملة وتعتمد على نفسك بدون التعليم والتدريب هتفشل لا محالة العمل بالفوركس يحتاج الى التعليم والمعرفة
2معرفة الربح والخسارة المحتملة:كا مثال معاك راس 100 دولار اتوقع انك تكسب بالصفقه دولار واحد (ودة مش قليل على فكرة دولار فى 30 يوم عمل هتحقق 30% من راس مالك ومفيش وظيفه او اى مجال يحققلك 30% شهريا ولا فى السنة حتى) نرجع لموضوعنا وخسارتك المتوقعه 50 سنت فا لما هتدخل صفقه حاسب ربحك المتوقع حاسب خسارتك اللى حتى لو خسرت صفقه مش هتضرك صفقتين مش هتضرك وهيفضل معاك رصيد تقدر تكمل وتعوض لكن شغلك بكل راس المال وبدون تحديد هدف لربح وخسارة محددة يبقى بتشتغل عشوائى بالتالى هتوصل ل0 وتتمرجن فيما بعد
3خطة العمل والاستراتيجية: خطة العمل شاملة النقطة رقم 2 وهى تحديد خسارتك وربحك المتوقع بالاضافة الى عدد الصفقات اليومية وعدد ايام العمل كا مثال هدخل صفقة او 2 باليوم وهشتغل يومين بالاسبوع او كل الاسبوع ال5 ايام عمل مفيش اى مشكلة كل شخص يحدد خطة عملة بنفسة اللى تناسبة اما الاستراتيجية فا هى طريقه تحليلك ومؤشراتك اللى هتساعدك فى توقع حركة الزوج ولازم يكون ليك استراتيجية طبعا مش هتدخل صفقه عشوائى وبالحظ اعرف بتبيع وتشترى منين كامثال بالترند لاين بالعرض والطلب او اى طريقة عمل تفضلها