السلام عليكم ورحمة الله وبركاته
تحية طيبة وبعد....
هناك مؤشرات كثيرة وهناك ادوات تستخدم لكشف السعر ايضا كثيرة اضافة الى خبرات المحترفين
النهاردة حتكلم عن اسلوب من اساليب المحترفين بدون مؤشرات ولا اى حاجة
الحقيقة ميزة الطريقة انها بتديلك اشارة واقعية وحقيقية لحالة العملة اللى حتشتغل عليها وتتجنب كتير من الخداع والمضاربات
الطريقة ببساطة مجربة وكما قلت هى من اسرار المحترفين التى لايبوح الكثيرين بها
ببساطة كلنا عارفين بارات او مؤشر الفوليوم
نزل مؤشر الفوليوم على الشارت
عارف ان فى ناس حتقولى الفوليوم دة بتاع الشركة
ايوة معاك وانا عارف كدة بس اصبر شوية عشان تعرف
احنا حنستفيد من اشارة الفوليوم بشكل نوعى
يعنى ناخد كمية الفوليوم على حسب الفترة اللى حضرتك حابب تشتغل عليها سواء يومى او اسبوعى او حتى 4 ساعات مثلا زى ماتحب
بس كل ما كانت الفترة اطول كان افضل وكل ما كانت زمنيا اكبر يكون افضل
اجمع الفوليوم لمدة شهر مثلا
اقسم الناتج على 30
كدة انت معاك متوسط التداول اليومى لمدة شهر
اى زيادة فى التداول عن المتوسط دة مع شمعة خضرا = شراء
اجتيازة لنقاط او مناطق مقاومة قوية = دخول محافظ كبيرة ومؤسسات ويبقى حضرتك دخلت مع صناع السوق
الفوليوم اكبر من المتوسط اليومى وشمعة حمرا بيع
وطبعا نفس الكلام لو اجتاز اى دعم قوى اعرف ان فى خبر سيء بيتم التحضير لة او خروج مؤسسات
كدة انت ماشى مع المؤسسات والبنوك المركزية الى حد كبير