Thread: 
Subscribeالسلام عليكم ورحمه الله وبركاته ادارة المخاطر
لكن بتناول مختلف شوية لتغيير المفاهيم لكتير من المتداولين وبتجربة شخصية
ازاى تكسب وتحقق ربح بجد وتقلل من الخساير بجد
احنا للأسف بنشوف كم كبير من الخساير رغم ان اصحاب هذة الخسائر عندهم اساسيات الفوركس والتداول حتى منهم محترفين طب لية الخسارة
هل هى نقص معرفة ام عدم قدرة على التطبيق وعدم التزام بالخطة ام عدم حساب المخاطرة
الحقيقة ممكن تكون كل دول مع بعض
التداول مش معناة انك تبيع وتشترى وخلاص لكن ازاى تبيع وتشترى وتحقق النجاح هو دة الأهم طبعا مش بقصد عدم الخسارة لكن اقصد الربح الأجمالى من نتيجة الصفقات
المهم فى الموضوع هو كيفية ادارة الصفقات بفن وليس فقط تداول
طيب مهو عشان اعمل ادارة صفقات جيدة لازم تلتزم بالأتى
خطة واستراتيجية واضحة
تشمل القرار فى حالة الربح والخسارة والية التصرف والتفيذ
حساب نسبة المخاطرة لكل فرصة فنية
يعنى ازاى تتحكم انت فى مستوى المخاطرة متسبش السوق هو اللى يتحكم
التطبيق والألتزام
لأن للأسف كتير بيكون على دراية ومعرفة فنية لكن لايلتزم عند التطبيق والشاشة تعملة حالة من العشوائية والهوس والتخبط فى القرارات ودة نتيجتة خسارة دايما
اخر نقطة وهى
احتساب نسبة المخاطرة لكل صفقة
طيب ازاى نطبق الكلام دة
اولا اية هى الطريقة اللى اعتمدها تقيم نسبة المخاطرة لكهل الصفقة فنية ام خبرية
نفترض ان عندى صفقة فرصة نجاحها فنيا على زوج معين 70%
اذن حضرتك لازم تعمل حساب مخاطرة
طيب ازاى احسبها
يعنى تقسم اللوت اللى حتدخل بية على 3
تدخل من 3 مستويات فنية حسب الطريقة الفنية اللى بتعتمدها اذا كانت فيبوناتشى او دعوم ومقاومات او شيء اخر
طب لو النسبة 80%
يبقى حتقسم اللوت على عدد صفقتين
امتى تدخل بلوت على مرة واحدة
لو انت ضامن نسبة النجاح 100% ودة مش حقيقة ومبيحصلش حتى لو كنت زى حلاتى بتدمج الفنى مع الزمنى والرقمى
مافيش نسبة 100%
اذن ممنوع الدخول بصفقة على مرة واحدة
بلاش تشتغل على نوعين من الأزواج وركز على عملة واحدة
ممنوع تفتح صفقات على فرصة نسبة نجاحها اقل من 60% حتى لو فضلت يومين او اسبوع متشتغلش احسن من الخسارة اللى تقعدك اسبوعين او شهر عشان تلم نفسك تانى
نقطة اخيرة
تقييم أداء المتاجرة
من المهام الرئيسية التي يجب ان يقوم بها المتاجر فهي المهمة الثانية بعد تحديد مستويات المخاطرة والإلتزام بها
ويعتمد تقييم الأداء على مراقبة مجموعة من الارقام والنسب للتأكد من أن ما تقوم به مناسب لعملية التداول بصورة كبيرة
هذا بالإضافة إلى الاكتشاف المبكر للأخطاء التي من الممكن أن تقع فيها كمتاجر
