الخسارة امر طبيعي في الفوركس و مفيش مشكلة منه طالما كان تحت السيطرة ويقدر يحصل بأقل تأثير على حسابنا فمفيش مشكلة ان المتداول يخسر كام صفقة القلق يبتدي يظهر لما الخسارة تقرب من الربح وتبقى على وشك انها تعادله ساعتها لازم نراجع نفسنا لكن غير كده الامر تحت السيطرة ومفيش داعي لأي قلق , في اساليب معينة المتداولين بيستخدموها عشان يحاولو يسيطروا على الخسارة وممكن تتحول لربح لو أنت اصبت التوقع زي التعزيز والتبريد والهيدج وكل كلمة من دول شرحناهم اكتر من مرة في مشاركات ومواضيع كتير في المنتدى التعزيز بيكون لما الصفقة بتكون كسبانة علشان كده هو مش معانا لكن لما الصفقة تخسر بيبقى قدامك التبريد والهيدج طبعا دول ليهم اوقات معينة تستخدمهم وده لما تكون متأكد من حركة السوق ولكن في خبر او حدث ضعيف اثر على السوق والسعر هيرجع لوضعه من تاني لكن استخدامهم عمال على بطال مش صح وبيعرض الحساب لمخاطرة اكبر