اسباب الخسارة كتير جدا اخى الكريم مع العلم اننا جميعا بنرتكب اخطاء وبنخسر ودة سببة عدم وجود الخبرة الكافية ومع الوقت والخبرة الخساير بتقل وبنتعلم من اخطائنا
اكتر اسباب الخسارة:
1قلة الخبرة والعمل بشكل عشوائى يعنى ابيع او اشترى عملة اعتماد على الحظ او على توصيات وتحليلات الغير او انى مثلا ادخل بيع من اى مكان وشراء من اى مكان شغل غلط وعشوائى وبالتالى هنخسر لا محالة لان الفوركس علم كبير ولازم نعتمد على نفسنا ويكون معانا استراتيجية مجربة وناجحة
2الاعتماد على التحليل الفنى فقط واهمال معرفة توقيت الاخبار التحليل الاساسى مهم جدا ولايقل اهمية عن التحليل الفنى فا لازم نعرف مواعيد الاخبار يوميا من الاجندة الاقتصادية سواء هنتاجر على الخبر او نعرف معاد الخبر ونبعد عن الزوج اللى علية الخبر لان وقت الخبر بيكون تحرك السوق سريع واذا فاتحين صفقه بالتحليل الفنى وجة عليها خبر لازم نامنها ونحط استوب لوز ونتابع النتايج على الشارت نتيجة الخبر يعنى وتاثيرة
3من اكتر واهم اسباب الخسارة هو حجم العقد اننا نعلى حجم العقد ويكون لوت غير مناسب لحجم راس مالنا وبالتالى من ااقل انعكاس نخسر او نوصل للمارجن كول فا لازم نحاول نبعد عن الجشع والطمع ونقلل حجم العقد على قد مانقدر خصوصا لو راس المال صغير وميتحملش لوت كبير
4ادارة راس المال وادارة المخاطر ودة امر مهم جدا وبيحمينا من الخساير ادارة راس المال بانك تحسب حجم العقد المناسب مثلا لو راس المال 100 دولار تدخل الصفقه من5 الى 10 سنت دى ادارة راس المال اكتر من كدا هيبقى خطر على الرصيد وممكن تخسر اما ادارة المخاطر بانك تحسب الحجم الكلى للخساير بمعنى مثلا تحدد10% من راس مالك وبمثال سابق ال100 دولار الخسارة بالصفقه تساوى 10دولار وطبعا احسبها براحتك بقى 10 سنت هدف فى 100 نقطة استوب لوز او 20 سنت فى استوب لوز 50نقطة وهكذا حسب طريقه شغلك