السلام عليكم جميعا
انا كنت متابع الموضوع اللي حصل اليومين اللي فاتو الخاص ب النسخ و ب العضو اللي اسمه toti
و انا سيرتي جات هناك في اخر الموضوع اتهاما من احد الاعضاء او تخمين منه ان انا اللي عملت البلاغ من حساب toti
طيب اقسمت بالله العلي العظيم ان العضوية دي مش بتاعتي و لا اعرف عنها حاجة و لكن سوء ظن من محمود خلاه اعتقد انه انا اللي عملت كدة عشان انا اعرف محمود برا المنتدي و اتناقشنا انا و هو كتير قبل كدة عن مواضيع النسخ و اللايكات و العضويات الكتيرة و غيره
فهو ملقيش حد في وشه يتهمه غيري انا بسبب المواضيع اللي كنا بنتكلم فيها انا و هو
انا سايب المنتدي بالظبط من يناير او فبراير 2021 مش متذكر و اول رجوع ليا كان من خلال الحساب ده اللي انا بكتب منه دلوقتي
و انا معنديش اي مانع ان الادارة تفحص الاي بي اللي اتفتح منه الحساب ده و الاي بي الخاص ب حساب toti
و اتمني ان هو يطلع يرد بحسابه الحقيقي و يعرفنا مين هو لان انا كدة اضريت بسببه
و الضرر مش مقصود منه اني خايف ع الحساب او ع البونص الكبير احسن ميجيش كلنا عارفين اللي فيها و البونص راحت عليه من زمان احنا بس مكملين حلاوة روح مش اكتر و زي ما عضو تاني قال يمكن كل 10 و لا 15 اسبوع يوصل اسبوع كويس حتي ده احنا راضيين بيه
ف سبب اني اعمل الموضوع لا خوف ع الحساب لان مفيش حسابات بتتبند زي ما كلنا شايفين و لا خوف ع البونص لانه البونص مش موجود اساسا
و انما عشان الناس تعرف اللي فيها انا بشتغل ف حالي و الناس اللي بتتفاعل معايا بتفاعل معاها بالخير و لا ببعت اشتم حد و لا ببعت تقييمات لحد و اصلا و الله و لا بقرا ردود كتير من اساسه انا كنت و لا زلت مشغول الفترة الاخيرة ف كنت بدخل انزل ردودي و اخرج و مش شاغل بالي بحد لان الوضع خربان علي الكل
و الموضوع بتاع النسخ انا تلافيت تماما اني اكتب او اعلق عليه او اقول اي رد لان انا و الله ما عايز وجع دماغ و فيا اللي مكفيني حرفيا لكن كمان اصبح متهم و من غير اي ادلة ان انا اللي عامل الموضوع
الحساب بتاع toti عامل ردود كتير انهاردة ع مدار اليوم ع الموضوع بتاعه ع باقي لاعضاء
و و انا انهاردة اقسمت بالله العلي العظيم اني طالع من بيتي الساعة 9 و نص الصبح و لسه راجع و تقدرو تشوفو اني مش منزل انهاردة غير 8 او 10 ردود و اخرهم كان الفجر اللي هو انا اقل يوم بنزل فيه ردود ممكن بال 20 و ال 25 و احيانا اكتر
محمود اتهمني انا بالحوار ده لان انا سالته قبل كدة هو بيعمل اللايكات دي ازاي و انا مش فاكر بالظبط هو رد قال اي و لكن قالي ع حاجة كدة ابحث عنها ع اليوتيوب و اشوف بتتعمل ازاي
فهو اعتقد بقا ان عشان مفيش حد بيعمل لايكات او بيجيله لايكات غيره ان كل الناس حاقدة عليه و كل الناس بصاله و ان هو اللي فيهم و ان و ان و ان
و ده غير صحيح تماما لان و الله بلايكات او من غير لايكات الوضع محصل بعضه و هو نفسه بعتلي اسكرين بالبونص اللي جاله قبل كدة ممكن اسبوع 12 و اسبوع 14 و اسبوع 18 بالكتير و اوقات ممكن اقل من كدة بكتير عادي ده كدة يعتبر ف احسن احواله لو جاله حاجة من الارقام دي
انا مش عايز منك حاجة ي محمود و لا غرض الموضوع ده خوف من اي حاجة بفضل الله لكن كل اللي ف الموضوع اني مش عايز الناس هنا تاخد عني فكرة سيئة للدرجة دي و انا برئ منها مش عايز حد يبقي شايل مني او بيدعي عليا او بيشتم فيا و هو لا يعرفني و لا اعرفه لمجرد اعتقاده ان انا ورا الحوار اللي كان حاصل ده
و ع فكرة مفيش حد غبي للدرجة اللي تخليه يبلغ عن نفسه انا اسمي كان موجود في قائمة الاعضاء اللي العضو
hunter1 نزلها
رغم ان كل اللي شغالين بلا استثناء حاليا كله بينسخ و كله عارف كدة يعني لو شغال بتاع 30 و لا 40 و لا حتي 50 ف كلهم بينسخو بلا استثناء حرفيا لكن للي بلغ راح بلغ عن حوالي 8 او 9 اعضاء بس و العبدلله كان اخرهم
هل انا هيوصل بيا العته اني اروح ابلغ عن نفسي او اقعد اعمل الحوارات دي كلها ؟ انا لو عندي توحد و انفصام شخصية مش هعمل كدة
و انا زي ناس كتير و الله كان عندي فضول كبير اعرف مين هو totti ده
و لكن عشان محمود رد قال انا عارفك ياحمد و هو نفسه رد عليه و قاله اه انا احمد يا محمود ف هو كدة من وجهة نظر محمود انه ثبت التهمة عليا
و كأن مفيش احمد في الدنيا كلها غيري و الله اعلم ان كان صاحب العضوية دي اسمه احمد فعلا و لا مجرد بيغيظ محمود و يدايقه و خلاص
لو انا اللي عامل الحوار ده كله يا محمود مش هبقي بتكلم بالطريقة دي و لا بالاسلوب ده و لا دي طريقتي اصلا يا محمود و اظن انت عارف حساب الفيس بتاعي و شايف ان الحساب فاضي تماما و مفيش عليه اي نوع من انواع التفاعل يعني انا بكسل اكتب كومنتات و اتفاعل ع السوشيال مجرد بقلب ف الجروبات كدة و خلاص
هاجي بقا اعمل الحوار ده كله عشان ابلغ عن الاعضاء و عن نفسي ؟
و اقعد يومين او تلاتة كل اللي يكتبلي حرف ادخل ارد عليه و اقاوح و اناهد في الفاضي ؟
و الله انا دماغي ابسط من كدة بكتير و خلقي اصلا بقا ضيق ف الفترة الاخيرة و لا بحب المشاكل و لا الحوارات و لا وجع الدماغ
راجع نفسك يا محمود انت ظنيت فيا ظن سوء لاي سبب من وجهة نظرك و ربنا شاهد ان انا مليش اي دخل بالحوار ده لا من قريب و لا من بعيد
و انت حسابك ع الفيس هو هو نفس الاسم اللي هنا لكن انا محدش كان يعرف انا شغال و لا لأ من اساسه انا اللي بعتلك و عرفتك بنفسي و بعتلك اسم عضويتي
و بردو تاني بقول العضوية دي لا تمت لي بصلة و ممكن اي مشرف يتكرم و يفحص الاي بيهات الخاصة بال 3 حسابات حسابي و الحسابين اللي بلغو معنديش اي مشكلة خالص في ده زي ما الاستاذ سمارت و الاستاذ فركس مصر كانو بيعملو قبل كدة و لو ثبت ان فيه اشتراك او تشابه اي بي و لو يوم واحد بس بين حسابي و بين العضويتين دول يبقي ليكم الكلام
و ختاما اتمني من العضوين دول يردو علي موضوعي بعضويتهم الحقيقية و يعرفونا هما مين لان انا اتجاب سيرتي و اتشتمت و اصبح فيه وجهة نظر سيئة و انطباع مش كويس عني عند اي حد يقرا الموضوع بتاعهم و يكملو للاخر لان انا لما لقيت سيرتي جات هناك كنت داخل ارد و اوضح لكن لقيت الموضوع اتقفل بواسطة الاستاذ فوركس مصر عشان كدة عملت الموضوع ده لتوضيح الامور
في النهاية معنديش اي حاجة زيادة اقولها عن ان الوضع و البونص خربان مع الكل و الشركة فعلا شبه مبقتش تفعل اي حساب الا بالضالين و البونص اصبح ميت في جميع المنتديات عشان كدة ملهاش لازمة تشغل دماغك و تضيع و لو دقيقة من وقتك عشان تعض في حد تاني خصوصا انك مجبتش اي حاجة جديدة و لا جبت التايهة النسخ و المشاكل الموجودة ف المنتدي موجودة يمكن داخلة علي سنتين دلوقتي و الادارة و الشركة عاجبهم الوضع كدة و مش عايزين يغيروه لو كانو عايزين يغيروه و يظبطو المنتدي كانو ظبطوه و صلحوه من زمان
و شكرا