الدنيا زى ورق الكوتشينة

[y4x]

الدنيا دى زى الكوتشينة انا بلعب وانت بتلعب وكلنا بنلعب .. علشان لازم الكل يلعب.

بس فى اللى بيلعب صح وفى اللى بيغش وفى اللى بيكدب وفى اللى بيخدع وفيها كل حاجة وتعالو بينا نقرا الموضوع ونفهم... واللى بيخسر بيطلع (ان شاء الله تعجبكم)

ده بقى الشديد... مهنته فى حياته(الجوكر)وهو فعلا جوكرشاب روش ستايل فعلا كفاءه فى كل حاجة الشايب يعملو حساب والولد بيفتحلو بابه والسبعه يثبتهم بطريقته والبت تموت فى دباديبو والاثنين يجمعهم بحركاته والاربعه بتفهم فى مهاراته.... اصلو من الاخر جوكر يا ناس...
وده (الولد) عايش حياته بالطول والعرض فاكر نفسه روش ومحدش قده ..حد يقولو ان الحياه على القد ساب صحابه ومقضيها بالطول والعرض نازل واكل طالع واكل ما هو ده الولد اللى بيقش

ودى بقى (البنت) بس يا ترى مكسورة ولا حزينة ملامحها حلوه مرسومه بس يا ترى اية اللى فى ظهر الورقة اقلب وهتشوف الحقيقة ماهى دى حياتنا تشوف الشكل والرك على الاصل

وده ( الشايب) راجل كبير كبر فى سنة بس لسة اصيل دماغه كبيره وحياته اصيله عايز يمشى رأيه بس يا خساره مفيش حد سمعه.. كلو بيقول ده (كبر وخرف) ..

[traduism]

تقاطع الدنيا مع لعبة الورق هو الحظ هناك من يقول ان الحظ حجة ذريعة الفاشلين احترم رايهم لكن انا اقول انا الحظ في الحياة كما في الورق ايضا 90 بالمائة تبقى 10 بالمائة لكياسة الشخص و خبرته و حكمته ففي لعبة الورق ان كان الحظ معاكسا للاعب الماهر يستطيع التخفيف من الاضرار و قد ينجخ في الفوز الحياة ايضا هناك من تفرش لهم طريقهم بالورود لكن رعونتهم تجعل يضيعون كل شيئ و اخرون طريق كلها شوك بحكمة و روية اجتازوه الصعاب كلها

[y4x]

وده كارت (العشره) اكبر عددشباب فاردنفسه عصابه اجراميه من نوع خطير الله يسامحو ويكرم اصلو( التلفزيون)علم الناس الاجرام ودى النتيجه وفى ورق الكوتشينة انحصروا وبقو 10 واخدينها غصب مبدأهم الكثره تغلب الشجاعه معندهمش صبر بس دور على الاصل هتلاقى شباب طيب والزمن لعب معاهم ما هو الزمن كده بيغير
لو شاب كويس بيتغير كان شاب وحش برضو بيتغير ما هو ده القانون الزمنى واحنا عارفينة

[GIS110]

أكيد الدنيا زي ورق الكوتشينة

والشاطر من يكسب ويجعلها في طاعة الله ويكسب حسنات

ويترك أثر له في هذه الدنيا

[ahmedamz]

فعلاا معك حق
والذكى ال يفهم اللعبة اسرع ويلعب بذكاء وسرعة
بديهه

[alkods5000]

انا من رأى دايما ان الدنيا زى المريجحه يوم فوق ويوم تحت
وخصوصا بعد ثورات الدول العربيه
الواحد كان مفكرها هتفضل فووووق بيهم وتحت بينا
بس كلنا بقينا تحت

[y4x]

أكيد الدنيا زي ورق الكوتشينة

والشاطر من يكسب ويجعلها في طاعة الله ويكسب حسنات

ويترك أثر له في هذه الدنيا

عندك حق يا رين نعرف نلعبها صح

ونكسب فى النهاية مش نطلع من الخسرين

[amir]

بجد بهنيك على فهمك للدنيا
هى فعلا زى ورق الكوتشينه والكل بيلعب بس الشاط اللى يلعب صح ويكسب بالحلال لا بالغش ولا بالكدب
والمكب الاخير هو رضا الله ثم الجنه

[mohamed amin]

صدقت اخى الكريم فى الكلام حيث انك قد تطلع الى اعلى مستوى فيها
وتنزل الى ادنى مستوى ايضا ولكن اهم شى هو التعلم من اقل مستوى

[moody]

الدنيا دى زى الكوتشينه انا بلعب وانتى بتلعبى وكلنا بنلعب .. علشان لازم
الكل يلعب .. بس فى الى بيلعب صح وفى الى بيغش وفى الى بيكدب وفى الى بيخدع
وفيها كل حاجه