بسم الله ماشاء الله
الف مبروك ياباشا ويارب ديما
انا بقى من فتره قريبه ايام لما هبط المجنون 1000 نقطه اخوك كان شارى
واخوك كان يعشق المجنون ومضاعفاته وخلى بالك من كلمه كان دى عشان خلاص بح مافيش مجنون تانى
المهم فتحت الشارت لقيت المجنون هابط 300 نقطه قولت قشطه فرصتك يابو حميد هندبل والحمد لله
قومت شارى بهدف الانطلاقه للاعلى وانا بشترى اقول ياسلام بقى لو ربنا يكرم ويهبط كمان 100 نقطه
وفعلا هبط قمت داخل بالعقد الثانى والله ونفس الجمله ياسلام كمان 100 بقى وبعدين انطلاقه بتاع 200 نقطه
ماهو المركزى اكيد مش هيسكت على ارتفاع الين...المركزى حلو وفعلا الزوج ماكدبش خبر هبط كمان 100
قمت فاتح اخر عقد مضاعف وقلت يلا ارفع بقى...
...وده يهبط وانا اقول كفايه لحد كده اصعد يابن **** زى مانتم فهمين
ولا حياه لمن ينادى فين المركزى ابن ال ***** مش عارف المركزى راح فين كل الى اعرفه كل الى شوفته شريط احمر ..وشكرا
عايز اقولك انى مش طايق ابص فى وش واحد يابانى من ساعتها..وقررت ان عمرى ماهتاجر على المجنون تانى
يلا الحمد لله....كل عام وانتم بخير