صدمه من بنك اليرت باي (بايذا) و لازم نلحق نفسنا ارجو الدخول من الجميع

[SlaiteR]

السلام عليكم ورحمة الله وبركاته

وبعد..,
بصراحه مش عارف ازخرف الموضوع ولا عارف حتي اقول ايه وابدأ ازاي
من سدة النفس اللي انا فيها
بعد اما شوفت مواضيع الاخ فرفوش الله يعوض عليه
عن الفلوس اللي اتعملها استعاده من شركتي Buxtc & Masterbux
قررت اني اعمل بحث عن حوار الـ Reverse ده
وازاي البنك يسيبها مفتوحه للناس كده تسرق في بعض
وبدأت عملية الجوجله
ويا ريتني مابدأت
الاول بدأت ابحث عن ارتباط كلمة Reverse بكلمة Alertpay

ظهرلي الكلام ده في بعض نتايج البحث
اقتباس:


AlertPay now allows you to reverse funds added

from your credit card back to that same credit card, anytime.


Read More (http://www.alertpay.com/?26584 )



قولت يمكن يكون مش تمام الكلام ده

واللي شككني اكتر اللينك مش شغال
قومت مضيق نطاق البحث شوية
ظهرلي بردو كلام مشابه بعض الشئ
قولت طيب اما ادخل عشان اتأكد بنفسي
ومسكت الاتفاقيه شرط شرط
وظهرلتي مفاجأه عمري ماتخيلتها

اتفضلوا شوفوها بنفسكوا
اقتباس:

Chargeback. A chargeback can occur when the sender disputes the charges incurred to his/her account (credit card or bank account) that was used to directly fund his/her AlertPay account. Any account that receives funds which are deemed fraudulent by AlertPay or have been disputed by the sender will be reversed from your account. You understand that if you receive any funds to your account funded by the sender's credit card or bank account (ACH transaction), in the event the credit card, or ACH transaction is reversed, you agree to hold AlertPay harmless for the reversal amount incurred and agree to reimburse AlertPay through your AlertPay account or through other means.

طبعا انا ظللت الكلام بالاحمر مش البنك

والكلام فيما معناه التالي

اولا اسم الشرط

استرداد الاموال

بيقولك يا سيدي ان مرسل الاموال يقدر يسترجع الاموال المرسله
لحسابه مره اخي

سواء كان Credit Card او Bank Account

يعني يقدر يسحب الاموال تاني اللي ارسلها بشرط ان تكون علي نفس الفيزا او الحساب البنكي اللي تم شحن الحساب في البنك به.

وان هناك حالتين يتم خصم فيهم المال من حسابك

حالة اذا كانت الاموال دي مشبوهة ( عن طريق اي يا طريقه من طرق النصب او الغش)

والحاله الثانيه وهي اذا ماقام مرسل الاموال بعمل استعاده للامول المرسله.

والبنك بيأكد موافقتك علي كلامه اللي هوا قايله

وبيقوله بصريح العباره وبأسلوب مباشر

اقتباس:

You understand that if you receive any funds to your account funded by the sender's credit card or bank account (ACH transaction), in the event the credit card, or ACH transaction is reversed, you agree to hold AlertPay harmless for the reversal amount incurred and agree to reimburse AlertPay through your AlertPay account or through other means.
انك علي علم تام

بانه في حالة ما اذا تم استلامك لأموال من اي حساب

تم شحنه ببطاقة ائتمان

وقام المرسل بعمل استعاده لهذه الامول.

فأنك تكون موافق علي هذه العمليه (عملية استعادة الاموال).

وان بنك الالرت باي برئ من هذه العمليه (استعادة الاموال)

وان البنك سوف يعيد ما قام بدفعه مرسل الاموال اليه من رصيد حسابك.







واعتقد ان الكلام ده كلام كبير ومحتاج واقفه

ولازم نفكر في السؤال اللي بيطرح نفسه


ليه البنك كاتب بند زي ده؟



الاجابه مفتوحه للكل

عشان نستفيد من خبرات بعضنا

ويا ريت اسمع اراء الاعضاء الكبار

لأن الموضوع دلوقتي اصبح يمس كل كبير وصغير ومحترف ومبتدئ

الموضوع منقول من منتدى اخر و اشكر من وضعه في المنتدى الاخر و تم نقه للافاده (ارجو لو الموضوع مخالف يتم اخباري)

ده اقتباس لكلام عضو معانا هنا بياكد اللي كتبته :

صراحة موضوع صاادم

ولكن يضمن لك فلووسك ما تطير عليك

تقبل مروري

[aboushnb]

السلام عليكم ورحمة الله وبركاته
لأليرت بي عمل كده لحماية المشتري و لكي لا يم النصب عليه في عمليات

[thebest]

انا اضم صوتي لصوتك اخي يا ريت الليبرتي
يفعل هذة الخاصية الرائعة وكل عام وانتم بخير

[maxicasa]

فعلن الموضوع محتاج دراسه شوية
وبندغير صائب من البنك
ربما يعتقد انه بهذه الطريقة يحمي الناس
ولايعرف انه فتح طريقا للنصب

[amrmorasamir]

حضرتك برده مفهمتنيش القانون القديم بيحقلك النزاع على الاموال القانون الجديد بيخليك موافق اجباريا على ان اي حد يحولك فلوس يقدر يرجعها حتى بدون موافقتك و مشرف المنتدى اللي انا جبت منه الموضوع دخل بنفسه و كتب انه ضاع منه 35 دولار بسبب الحكايه دي ادفعوله و بعد 5 دقائق اتاخده منه القانون ده مجنون بغباوه و للاسف اي حد مشترك في الالرت مجبر انه يوافق عليه

قانون غريب وبيقلل من مصداقه بنك بيزا وانا الحمد لله بعدت عنه خالص بسبب كثره مشاكله وبيطلع قوانين غريبه وفجأه كده

[register]

هذه الخاصية غير معقولة وخاطئة، إن كل شخص مسؤول عن حسابه، فإذا قام بدفع أموال فذلك بموافقته التامة ، فكيف له ان يستردها بعد ذلك ؟ هذا هو النصب بعينه. تخيل أن تتلقى عمولة لقاء عمل قمت به، ثم بعد ذلك تسحب منك !!!

[Ahmed Ghanem]

الدليل على انه الموضوع حماية للاعضاء مش اكتر
انا بتعامل مع البنك من زمان
ومع شركات كتير ومنها اللى نصب لكن الى الان ماحدش عمل نزاع ضدى حتى
والعكس صحيح
عملت نزاع مع شركة وعلى مبلغ هايف يعنى مش كبير واسترديته فى خلال دقائق !!

[hesham itch]

هناك العديد والعديد من الاشاعات التى تتردد حول كل نظام سواء بنكى او غير
بنكى فى البنوك الاليكترونية او الحقيقية ويمك العمل على التحقق منها قبل نشرها

[zeina]

دى خاصية موجودة فى البنك وكلنا عارفينها من فترة وبصراحة الخاصية دى سبب فى انى سبت البنك دا وبعدت عنة خاصة بعد تعرض احد الاصدقاء للنصب عن طريق هذة الخاصية قام بصفقة وقام الطرف الاخر بالتحويل وبعد فترة من الوقت قام باسترداد ما قام بشحنة

[shemo]

لا اتعامل حاليا مع هذا البنك نظر لان الوسطاء يرفضون التعامل معه نتيجه لاستجاع الاموال من بعض الناس