السلام عليكم
قريت تعليق لمدير المنتدى فى رد على شكوى بخصوص البونص
الى جانب كلامى مع بعض المشرفين قبل كدا
واللى بخرج بيه من كل دا
ان الاداره تعلن عدم مسؤوليتها عن الموضوع
وان الموضوع فى يد سيستم بيحاسب الجميع زى بعض
تمام
الاسابيع الاخبرة كان فى مهزله فى المنتدى لكن المهزله واضحه للجميع
واعتقد مشرفى المنتدى يقدروا يتصرفوا فيها
كم اللايكات لبعض الردود مش طبيعى
لكن ليه كلنا نتعاقب على تصرف كام شخص؟؟؟
الاعضاء اللى بتعمل محتوى مظبوط هنا فى المنتدى يتعدوا على اصابع الايد
حضرتك بتقولهم ايه لما تقولهم زيك زى اى حد ؟؟؟
بتقولهم مع السلامه؟؟
وشايف انك مظلمتهمش؟؟
اتكلمت عن تبادل وجروبات على فيس بوك
اذا كان ليك طريقه تعرفها ياريت تنفذها
انا شخصيا دا مثال للبوستات اللى بشيرها على الفيس
جروب عام ومعروف مختص بالفوركس
اعضائه اكثر من 20 الف شخص مهتم بالمجال
هل لما انا اشير مشاركاتى هناك يبقى اسمى بعمل تبادل؟؟
انا كل يوم بعمل شير لمشاركاتى فى اكثر من جروب
هل دا تبادل ؟؟
انا عايز افهم سبب يخلينى على مدار اسابيع الى الان انزل من بونص عالى ومحترم لبونص ميكملش ال10 دولار
ليه؟؟
عشان ناس تانيه بتغلط؟؟
ودى مش مسؤوليتك كاداره ؟؟
اتكلمت على المنتدى الاجنبى وانا من الناس اللى جاى هنا من المنتدى الاجنبى وكنت عضو شايف اللى بيحصل
هناك زى هنا
برده ناس بتتلاعب وتعمل تبادل وغيره
حتى الى الان لو دخلت هناك فى قسم الجورنال هتعرف ان فى تبادل واضح
مهو مش طبيعى تعمل بوست من هنا تلاقى عشرات اللايكات من الاعضاء ويوصل ل50 لايك للبوست من غير اى تبادل
بس الفرق ان محتوى البوست اتعمله قانون خلى اى شخص لازم يعمل بوست محترم يستاهل اللايك
الفرق بوجود اداره
لما كنت فى الاجنبى كنت بكتب الرد وانا عارف ان فى مشرف هيشوفه
ودا فعلا كان بيحصل
اى غلطه كنت بلاقى جايلى تنبيه
حضرتك ممكن تروح تشوف هناك اللى بيحصل وانه راجع لرقابه قويه جدا من ادارة المنتدى
مش عشان مفيش اعضاء بتتلاعب
كل يوم فى قائمه بعدد كبير من الاعضاء معمولها بان هناك ودا راجع لاشراف
عايز مشرفين اطلب دا
لكن معلش
الاستمرار فى لغة ان الاداره ملهاش اى ذنب دا شئ مش صح
لازم تفرقه بين الاعضاء اللى بتقدم محتوى كويس للمنتدى وبين اى حد تانى
ومفيش اى حد يقدر يعمل الفرق دا غير الاداره
كل واحد فينا فى بروفايله موجود رساله ان الاداره من حقها تعدل على البونص
يعنى ليكوا دور
حتى لما بنروح نتكلم فى الموضوع فى الشركه بيتقالنا اتكلم مع ادارة المنتدى دا شئ يخصهم
مش فى مصلحة المنتدى ابدا ولا الشركه ان بعض الناس المستهتره تكون هى المتحكمه فى مصير المنتدى
ياريت حل
لان كدا كتير جداا
مفيش حاجه اسمها تعاقب الكل على تصرفات البعض