السلام عليكم
ارى العديد من المبتدئين يسالون عن التداول طويل المدى او التداول سوينج ويقول كيف ابدء فيه
واساسا نفس المتداول يقوم بالتداول العادى مثل الدخول كل يوم فى صفقات باهداف من 20 ل50 نقطة
فى الحاله دى بيكون سؤاله بالنسبالى غريب لانى بشعر انه مش فاهم اساس ايه هو التداول طويل المدى ومتخيل انه شئ مختلف تماما عما يقوم بيه
فمن خلال السطور الجايه احب اوضح الفرق بين التداول السوينج واى تداول بتقوم بيه
والفرق باختصار بيكون فى الفريم المستخدم للتحليل ودخول الصفقات بحيث انك لو فى التداول العادى بتستخدم فريم 1 ساعه او 4 ساعات فانت فى التداول طويل المدى هتستخدم فريم يومى واسبوعى وشهرى
ولكن هتستخدم نفس ادواتك يعنى لو بتعتمد على الموفينجات فانت هتستخدم نفس الادوات لكن فى فريم اكبر
النقطه التانيه للاختلاف هى الاهداف لانك لو فى تداول عادى هتاخد من 20 ل50 نقطه لكن فى التداول سوينج هتاخد لاكتر من 200 وقد يمتد الامر ل1000 نقطه ولكن بالتاكيد على مدى وقت اطول قد يكون ايام واسابيع
يعنى الفرق فى توقيت واهداف فقط وليس فى نوع تحليل هتحتاج تتعلمه