مراجعة تصميم هاتف Realme X2 Pro

[MichaelAnees]

مراجعة تصميم هاتف Realme X2 Pro

التصميم :-

يأتي الهاتف بظهر زجاجي وفريم معدني لكن التصميم كالعادة فيه البروز الكبير شوية بتاع الكاميرات الي هيخليك صعب تمشي بالموبايل من غير جراب ولازم تركب الجراب الي جاي معاه في العلبة .
الموبايل وزنه 200 جرام مش خفيف ومش تقيل بس تخانته مقبولة 8.7 ملم ومسكته في الايد مفيهاش مشاكل .

الشاشة :-

شاشة ريلمي المعهودة الي بنوتش ولايوجد شاشة كاملة وحجمها 6.5 بوصة بجودة سوبر اموليد بدقة FHD+ .
المميز في الشاشة درجة تحديثها 90 هرتز وديه بتفرق في عدد الفريمات الي الشاشة تقدر تحدثها وتعرضها ليك ف الثانية الواحدة تجربة جامدة جدا هتحس بيها وانت بتعمل سكرول سريع كدا لحاجات ورا بعض على الشاشة مش هتحس باي تقطيع بيحصل وكمان هتحس بيها في الالعاب لو عمال بتعمل حركات كتير في اللعبة هتحس فعلا اد ايه استجابة الشاشة ديه ممتازة .
الشاشة عليها حماية جوريلا الجيل الخامس والموبايل هتطلعه من العلبه متركب عليه سكرينة .
سطوع الشاشة عالي جدا وفعلا محترم وينافس بقوة مع الموبايلات التانية وجودة الألوان محترمة جدا في شاشة موبايل Realme X2 Pro .

الأداء :-

الموبايل ده بيقدم افضل اداء في الفئة السعرية بتاعته بمعالج رائد سناب دراجون 855 بلس احسن معالج سناب دراجون في العالم موجود في موبايل Realme X2 Pro .
هيديلك تجربة اداء سريعة جدا لدرجة تخليك لو اتعودت على الموبايل ده مش هتعرف تتعامل مع اي موبايل فئة متوسطة تاني كل حاجه سريعة بدرجة غريبة فتح التطبيقات والتنقل ما بينها مستحيل تلاقي اي تأخر في الاستجابة معالج طيارة حرفيا حتى فتح الالعاب سريع جدا .

[tamermosa]

بعد التحية ، بتلخيص مراجعتك حول هاتف Realme X2 Pro فنجد ان الهاتف يأتى بشكل زجاجي وفريم معدني و الموبايل ذات وزن 200 جرام مع سمك 8.7 ملم و الشاشة بنوتش وحجمها 6.5 بوصة بجودة سوبر اموليد بدقة FHD+ .الشاشة بحماية جوريلا الجيل الخامس وو بداخل العلبة سكرينة لحماية الشاشة. اداء الموبايل ممتاز بالنسبة للفئة السعرية و يأتى بمعالج سناب دراجون 855 + ، يتميز الموبايل بأنه سريع جدا في فتح التطبيقات والتنقل ما بينها و ايضا في فتح الالعاب سرعته مميزة ، و بالنظر الى سعره سنجد ان سعره مميز و غير مغالى فيه مقارنة بالموديلات الأخرى و هي ميزة كبيرة بلا شك