مراجعة حول متي أفضل وقت لتمارين الكارديو ؛ لاستهداف الدهون كطاقة ؟
تقدر تتمرن كارديو فى أى وقت طالما إنك ملتزم بشدة التمرين من Low to moderate exercise لضمان استخدام الدهون كمصدر رئيسى للطاقة ؛ بس ديما بنقول فيه الصح وفيه الأصح أو الأفضل ...
فبالتالى فيه وقتين دول أفضل وقتين للحصول على نتايج أفضل مع التمرين :
الوقت الأول :
الصبح بدرى بعد ما تصحى من النوم ؛ والفكرة هنا إن مخازن الجليكوجين بتكون تقريبا شبه فاضية فالمنطقى إن الجسم هيستخدم الدهون كمصدر أساسى ؛ بس لازم تاكل أى كارب بنسبة قليلة وبعدها بنص ساعة تتمرن كارديو لسببين :
السبب الأول ؛ إن الصبح بدرى بيكون أعلى إفراز للكورتيزول ؛ والكورتيزول بيكسر العضلات لاستخدمها كطاقة وهنا فقدان وزن عضل ...
السبب التانى ؛ مع شدة التمرين هتحس بدوخة لأن الجليكوجين قليل اللى بدوره بيظبط معدل سكر الدم اللى بيغذى المخ وبالتالى هتقل كفائتك ف التمرين ....
الوقت التانى :
بعد تمرينة الأوزان ؛ وهنا برضو الجسم استخدم جزء مش قليل من الجليكوجين المخزن ف الكبد والعضلات ؛ وبالتالى هيبدأ الجسم ف استخدام الدهون بشكل أساسى كمصدر للطاقة ....
يفضّل يكون تمارين الكارديو من ٣٠ ل ٤٥ دقيقة على أقصى تقدير ؛ ٤ أيام ف الأسبوع