Thread: 
لما قابلت فلان اللى قالك على ندوة بتتكلم عن ربنا وانت رحتها فسمعت كلمة دخلت قلبك فغيرت حياتك
ماكنتش صدفة
لما سمعت آية ( ألم يأن للذين آمنوا ان تخشع قلوبهم لذكر الله ) وحسيتها بقلبك
ماكنتش صدفة
لما موقف جمعك بحد واتعرفت علية وكان سبب لتغير حياتك للاحسن وانك تتعلم حاجات كتير وتتعرف على امكانياتك
ماكنتش صدفة
لما فى عز ضيقك لقيت حد جاى يطبطب عليك ولقيت حد يخفف عنك ويقولك ( لعله خير )
مكانتش صدفة
لما حد كان محتاج نصيحة او حتى كان محتاج يفضفض وجالك انت فخففت عنة او كنت دليل لية على فعل الخير
مكانتش صدفة
لما جالك ابتلاء كشف كتير من اللى حواليك وكان سبب فى تصحيح مسارك
مكانتش صدفة
لما اول ما فتحت الفيس لقيت قدام عينيك (فاذكرونى اذكركم )
ماكنتش صدفة
لما كل الناس كانت نايمة وانت كنت صاحى بتناجيه وبتدعيه وبتبكى بين ايديه
ومواقف كتــــــــــــــــــير اوى ماكنتش صدفة دى كانت رسالة من ربنا كان بيوجهلك فيها العلاج لحالتك وكان بيدلك على الطرييييق
كان بيقربك منة وبيعرفك صفاته واسمائه الحسنى
كان بيخفف عنك فى عز ضيقك وبيقولك ( ومن يتق الله يجعل له مخرجا ويرزقه من حيث لا يحتسب)
وماكنتش صدفة برده انى اكتب كدا النهاردة ولا ان حضرتك تقرا كدة وتفتكر كذا موقف
وتقول اااااه فهمت يارب وهركز فى رسايلك اوى وهكون معاك فى كل موقف فى حياتى
ربنا ينور بصيرتنا جميعا ويهدى قلوبنا علشان نفهم رسايله ♥
Subscribe
Originally Posted by 4x1
