الموضوع: 
اشترك
يعنى ايه فوركس؟؟؟
الفوركس يعنى بكل بساطه انك تبادل عمله بعمله ثانيه وده طبعا لأنك عارف انك هتربح من الفرق فى المبادله دى فمثلا لو توقعت ان اليورو هيضرب الدولار وسعره هيعلى امام الدولار الفتره القادمه
طبيعى انك هتروح تبيع الدولار اللى معاك وتشترى بدلا منه اليورو
طيب ليه؟
اقولك.. عشان انت لما تعمل كده واليورو فعلا سعره يعلو امام الدولار هترجع تبيع اليورو تانى وتشترى الدولار
وكده تكون عملت فرق سعر بين العمليتين
اوضحها لك بمثل بلدى من الحلو بتاعنا..
انت واحد غاوى تربية خرفان عندك فى البيت وشهر الحج اقترب وتوقعت ان الفتره القادمه سعر الخروف هيزيد
هتروح السوق بسرعه وتشترى خروف بـ 300 جنيه مصرى انتظرت لموسم الحج ووصل فعلا سعر الخروف الى 600 وقتها هتبيع الخروف " اللى انت اشتريته بـ300" هتبيعه بـ 600
وكده تكون عملت فرق سعر وصل الى 300 جنيه مصرى.
خدت بالك انت عملت ايه!!(هوده الفوركس .. الربح من فوارق الاسعار)
انت عملت مبادله بين عمله ومنتج وتوقعت صعود المنتج عشان كده انت اشتريته وعندما صعد بالفعل قمت ببيعه مره اخرى مقابل العمله وحصلت الفارق بين العمليتين.
نقطه مهمه..
لاحظ ان فى المثال السابق انت توقعت ارتفاع سعر الخروف فى موسم الحج وهذا فى الفوركس يسمى تحليل الاسعار، يا اخى طيب انت عرفت ازاى ان سعر الخروف سوف يرتفع؟؟
اه.. انا شوفت خبر فى التلفاز بيقول "زيادة الاقبال على شراء الخراف" وخبر تانى بيقول "ارتفاع اسعار اعلاف الحيوانات"
فهمت من الاخبار دى ايه يعنى؟
فهمت انه كلما زاد الطلب على منتج ارتفع ثمنه ده بالنسبه للخبر المباشر الخاص بالاقبال على الشراء
اما الخبر الخاص بالاعلاف فهوعباره عن" استنتاج العلاقه بين بعض المنتجات"
فارتفاع اسعار الاعلاف تعنى ان التاجر سوف ترتفع عليه تكلفة تربية الخراف على اعتبار انه سيشترى العلف بسعر اعلى وهنا نستنتج ان هناك "علاقه طرديه بين سعر الخراف وسعر الاعلاف"
تعالى بقى نطبق على السوق..
الشخص اللى باع الدولار واشترى اليورو عشان توقع ان سعر اليورو سيرتفع امام الدولار
على اى اساس توقع الارتفاع
اقولك.. نحن فى الفوركس نستخدم عدة انواع من التحليل السعرى واشهرها التحليل الفنى والتحليل الاخبارى
التحليل الفنى بالاساس معتمد على عدة مبادىء منها حجم العرض والطلب على العمله والدعوم والمقاومات وفكرة النمازج السعريه وفكرة الزمن يعيد نفسه يعنى انت فى التحليل ده كل اللى يهمك شاشة عرض الشارت السعرى
اما التحليل الاخبارى فهو معتمد على الربط بين السعر ومدى تأثير كل خبر عليه وبالتالى نتابع اخبار الدول الاقتصاديه والاجتماعات التى لها تأثير على اقتصاديات البلاد وخاصة الدوله صاحبة العمله وكذلك الدول التى ترتبط معها بعلاقات اقتصاديه
ونهتم بدراسة المؤشرات الاقتصاديه لهذه الدول
مؤشرات.. زى ايه يعنى؟؟
المؤشرات كثيره ومتعدده ومنها زو اهميه كبيره وتأثير قوى على الاسعار ومنها زو الاهميه الاقل فى التأثيرزى مثلا
مؤشرات التوظيف
مؤشرات الناتج المحلى
ميزان العجز التجارى
مؤشر سعر الفائده
الخ......
وهى المؤشرات التى يمكننا العثور عليها بسهوله من خلال البحث على جوجل عن كلمة اجنده اقتصاديه
إذاً:-
صفقة الشراء:
نقوم بإجراءها لتوقعنا ارتفاع السعر
وتبدأ بعملية شراء
وعندما يتحقق التوقع بالفعل وترتفع الاسعار
نتبع عملية الشراء بعملية بيع
وبالتالى نحصد الارباحصفقة البيع:
فنقوم بها بسبب توقع انخفاض الاسعار
وتبدأ بعملية البيع اولا
وعندما يتحقق التوقع وينخفض السعر
نتبع عملية البيع بعملية شراء
وهنا يتحقق فارق النقاط بين العمليتين
ونحصد الارباحخذ هذه اللمحه ولا تعيرها انتباها حاليا:
اى صفقه مهما كانت المهم ان تكون على ازواج العملات .. لابد ان تشمل على اربعة عمليات
اما "شراء بيع-بيع شراء" او "بيع شراء-شراء بيع".
طيب ماهو على كده يبقى الفوركس صعب ووجع دماغ وحرق اعصاب !!
هقولك ايوه الفوركس زى ما انت قولت بس مش بالشكل اللى انت متصوره لأن الانترنت قرب الكثير من المسافات وحقق الاستغلال الامثل للوقت بعدما كانت المعلومه محتكره فى يد القليل من الناس
فكل عمليات التحليل التى تحدثت عنها لن تستغرق منك سوى دقائق معدوده
والمهم هو ان تستطع ان تستنج العلاقه الصحيحه لتحصل على التوقع السليم للسعر
وكمان عاوز اقول لك حاجه مهمه..
الفوركس عمل كأى عمل يحتاج الى مجهود وصبر وقابليه للتعلم المستمر من اجل الوصول الى نقطة بدايه جيده
فعلى قدر اهتمامك بالمجال على قدر استفادتك منه
وتذكران:
الفوركس هو اكبر سوق مالي في العالم, مع تبادل يضاهي الثلاثة تريليون دولار امريكي يومياً, اكثر بثلاث مرات من المبلغ الكلي لسوق الاسهم الامريكية والخزانة المالية معاً. على عكس بقية الاسواق المالية التي تعمل على منطقة محددة, الفوركس العالمي ليس لديه منطقة محددة. انها شبكة الكترونية عالمية من البنوك, والمؤسسات المالية وتجار الفوركس الافراد, جميعهم يشاركون في عمليات بيع وشراء العملات الوطنية. ميزة كبيرة لسوق الفوركس هي ان السوق يعمل على مدار الساعة, متماشياً مع ساعات فتح واغلاق المراكز المالية في جميع انحاء العالم. في اي وقت, في اي مكان, هنالك من يشتري ويبيع, مما يجعل سوق الفوركس اكثر الاسواق سيولة في العالم.
المشاركة الأصلية كتبت بواسطة zeze mohamed
