السلام عليكم و رحمه الله و بركاته
اخواني الافاضل طبعا مع انتهاء الجولة الثالثة و ان شاء الله تكون دي بداية الجولة الرابعة أن شاء الله تعالي
بس ياريت الي يقراء يكمل للأخر لأن الموضوع طويل أه بس مهم جدا
طبعا انا مبسوط ان ده ان شاء الله هيكون اول موضوع في الجولة الجديده و حبيت اني اشارك معاكم موضوع مهم جدا انا بشوفه من فتره و بسمع عنه من ناس كتير
و انا واحد من من الناس دي الي كنت في بدايتي في الفوركس بتكلم عنه
إلا و هو سر الفوركس و الماركت مايكر و تلاعبه بالاسعار
اولا نتكلم عن موضوع سر الفوركس و طبعا في ناس كتير هنا أكيد عارفه الكلام الي هقولة دلوقتي
لكن انا كلامي يعتبر موجه للمتبدئين خصوصا و لجميع أعضاء المنتدي الكرام عموما
سر الفوركس الوحيد من وجهة نظري هو أنت نعم أخي المتداول أنت هو سر الفوركس
أنت من بيدك أن تكون ناجح او رابح في هذا السوق و أنت من بيدك أن تكون فاشل و خاسر في هذا السوق
فأنت من يجب أن تتعلم و تتدرب جيدا و تبحث و تجرب و تتداول و تتدرب و تكثر من تدريبك و بحثك و علمك
و أضع مليون خط تحت هذه الكلمات عدده مرات فيجب ان تتعلم طول الوقت حتي و أن أصبحت محترف
و يجب ان تتدرب طول الوقت حتي و ان اصبحت تعصنع المال بكل سهولة
أنت من يجب أن تضبط نفسك و تتحكم بها
أنت من يجب ان تتعلم كيف تلتزم بأداره رأس مالك و الحفاظ عليه لانها من أكبر المشكلات التي تواجهني في التداول حتي الأن و انا اعترف بذلك أمام الجميع
أنت من يجب ان يكون لدية ألتزام بأستراتيجيه التداول و أن تلتزم بتطويرها كل فتره و البحث عن أخطائها و عيوبها و تحاول ان تعالجها او تقلل منها بقدر الأمكان
أنت من يجب ان يضع لنفسه هدف و يسعي لتحقيقة فالسير بلا هدف كالتاءه في الصحراء لا يعرف الي أين هو ذاهب و يتخبط في المحهول
أنت أن ألتزمت بكل هذا فبأذن الله سوف تكون أنت سر الفوركس كما أخبرتك
نأتي الان الي النقطه الثانيه أي و هي الماركت مايكر
اغلب الناس الي سمعتها بتتكلم عن الماركت مايكر لقيتهم بيتكلمو عنه انه هو الي بيصنع السعر و بيحرك الشموع يعن ايه و اذاي
الكل بيتكلم عن ان مثلا انا مسجل في شركه ما و الشركه دي انا بشتغل علي المنصه بتعتها و بالتالي بفتح صفقات بيع و شراء
فتقوم الشركه هي الي تشتري مني او تبعلي في العمليه المعاكسه ليا و تبداء انها تتلاعب بالشموع بحيث انها تكسب كل اموالي الي نا هخسرها
بدون ما تمرر الأمر بتاعي للسوق الحقيقي و الفعلي و بكدا اكون انا خسرت و الشركه و كسبت
او لو حصل ان انا كنت ربحت فأن الشركه هتكون في الحاله دي بتخسر من فلوسها و بتديني ارباحي
لكن للأسف الكلام ده مش صحيح خالص من وجهة نظري و من خلال كلام انا قراءة و مقتنع بيعه فعليا
لان شركات الفوركس و هنتكلم عن شركات الفوركس المحترمه الي ليها تراخيص و مسجله
مش الشركات الي هي حبر علي ورق لان الشركات الي من النوع ده لو انت عملت فيها ايداع و اشتغلت فيها
سواء خسرت او كسبت مش هتعرف تحسب سنت واحد منهم و فلوسك رايحه رايحه لا محال
نرجع بقي للشركات الي ليها ترخيص و مسجله في هيئات رقابيه طبعا كل الشركات دي اسمها كلها ماركت مايكر اي هي من تصنع لنا السوق الي بنشتغل فيه و بناخد الاسعار من البنوك من خلالها هي
الشركات دي بقي بتعمل بتعمل حاجه اسمها ديلينج روم و ده بقي وظيفته اي
وظيفته يا سيدي ان الشركه المفرو انها بتوفر ليك سعر البيع و الشراء من خلال عروض البنوك مزوده السيوله
و هنا هنلاقي ان اي شركه وساطه بيكون ليها علي الاقل 3 او 4 بنوك بتزودها بالاسعار و السيوله و لو عايز تتأكد من ده افتح كذا منصه لكذا شركه مختلفه و انت هتلاقي ان في فرق بسيط بين الاسعار بين الشركات لا يتعدي ال 3 بيب و ده بيكون سببه اختلاف البنك مزود السيوله من شركة للتانيه
و هتلاقي كل بنك من دول بيكون السعر بيفرق فيه عن البنوك الاخري بيب او بيبين او ثلاثه بيب بالكثير
فهنا بقي الشركه بتعمل ايه :- يتعمل الديلينج روم دي و تاخد الاسعار من البنوك الثلاثه و تديلك أعلي سعر منهم تشتغل انت عليه و تاخد هي أقل سعر فيهم و تشتغل هي عليه
هتقولي أذاي هقولك يا سيدي اذاي هنفرض مثلا انك عايز تشتري زوج اليورو دولار و كان السعر مثلا 1.1502 و 1.1500 يعني الاسبريد بين فرق سعر البيع و الشراء 3 بيب
وان الشركه بتاخد الاسعار بتعتها من 3 بنوك مختلفه
البنك الاول بيدي اسعار 1.1502 و 1.1500
البنك الثاني بيدي اسعار 1.1501 و 1.1500
البنك الثالث بيدي اسعار 1.1499 و 1.1498
هنا الشركه هتنفذ عمليه شرائك عند سعر 1.1503 و من خلالها هي عند السعر ده فعليا
و هتقوم الشركه بفتح عقد شراء من البنك مزود السيوله رقم ثلاثة بنفس القيمة الي انت اشتريت بيها عند و لكن عند سعر البنك الي هو 1.1499
و لنفرض ان السعر اتحرك في صالح صفقتك و ربحت من الصفقه دي 50 بيب و خرجت عند سعر و كانت حجم البيب 1 دولار
أذن انت قد ربحت 50 دولار و نخصم منهم 3 دولار قيمه الاسبريد يعني انت اجمالي ربحك 47 دولار
عند اغلاق الصفقه الخاصه بيك هنا الشركة في نفس الوقت بتقفل الصفقة مع البنك عل ربح ال 50 بيب برده لكن علي سعر اقل من السعر الي انت نفذت بيه بمقدار 3 بيب يعني الشركه هنا كسبت منك انت 3 بيب اسبريد و كسبت من فرق السعر الي بين سعر البنك مزود السيوله الاقل الي هي اشترت منه عن سعر مزود السيوله الاعلي الي هي بعتلك بنفس سعره بمقدار 3 بيب
يعني الشركه بتاخد اعلي سعر جالها تبعلك بيه و انت تشتري بيه من الشركه و تروح هي تشتري من بنك تاني بسعر اقل من السعر الي انت اشتريت بيه عشان توفرلك الفلوس دي و هنا مكسبها اضاعف بكل سهوله
طبعا هنيجي بقي و نفرض ان انت دخلت نفس الصفقه دي و الصفقه خسرت برده الشركه هتربح نفس المبلغ الي فات و الي هما قيمه ال 6 بيب
لان الشركه برده هتديلك أعلي سعر و هتاخد هي الصفقه الحقيقه بأقل سعر و هتنفذ الصفقه معاك و لما انت تخسر فلوس هتروح هي تدفع للبنك من فلوسك و تحتفظ هي بالاسبريد و بفرق السعر بين البنكين الي بعتلك بيه و الي نفذت هي عليه فعليا في السوق
يعني الشركه في الاساس كسبانه كسبانه سواء حضرتك كسبت او خسرت في كل الاحوال هي المستفيد الاكبر
نهايك بقي عن تغير الاسبريد الي بيحصل و تلاقيه بقي ساعات في السماو كلها فلوس داخله جيب الشركه
و طبعا الجهات الرقابيه بتمنع الديلينج روم دي و المفروض اساسا متكونش موجوده في الشركات
لكن متحولش تقنع نفسك ان الشركه بتاخد كل فلوسك لان ده مش حقيقي الا لو كانت شركه مش مرخصه من الاساس و ملهاش اي علاقه بمزودين السيوله و انت روحت تشتغل في الهواء
بعتزر علي الاطاله لكن كنت حابب اي اشرح وجهة نظري من خلال ما قراءت و من خلال معرفتي البسيطه لبعض الامور تكاد تكون مبهمه خصوصا للمبتدئين
تقبلو مروري و بالتوفيق للجميع ان شاء الله