مراجعة حول سيارة هيونداي فيرنا
اهلا ومرحبا بكم اعضاء المنتدي الكرام
هتكلم معاكم عن سيارة هيونداي فيرنا وهسرد العيوب والمميزات التي تخصها
مبدايا هيونداي فيرنا سعرها مناسب جدا لناس كتير عشان كدة انتشرت انتشار واسع وعليها طلب كبير
مزايا سيارة هيونداي فيرنا
اولا بتنزل بمفتاح ريموت ودي الفئة الاولى منها .
ثانيا نور الصالون لما بتقفل العربيه بالريموت بينطفى تدريجيا و دى تعتبر خاصية متميزة.
ثالثا بمجرد ازالة المفتاح من الكونتاكت كل ماهو شغال بالكهرباء ينغلق اتوماتكيا مما يميز السيارة دي جدا.
رابعا امكانية فتح الشنطه و التانك من الداخل في الفئة الاولى ايضا من السيارة.
خامسا امكانية فتح الشنطه على الكنبه الخلفيه وبتدي مساحه كبيرة للتخزين .
عيوب سيارة هيونداي فيرنا
اولا صوت المحرك عالي جدا لان العزل فيها ضعيف مقارنة بسيارة ماتريكس مثلا التي تتميز بهدوء موتورها.
ثانيا وجود خشونة في حركة الفتيس ولكنها تقل تدريجيا بعد استخدام السيارة مسافة 5000 كيلومتر.
ثالثا المقاعد صناعة مصري وليست مريحة نهائي وبسبب ضعف الخامة المستخدمة في المقاعد مع الوقت يصبح الجلوس عليها غير مريح نهاااائي.
رابعا المكيف ضعيف بالنسبة لحجم الصالون الداخلي للسيارة وضعيف التأثير بشكل كبير على الكنبة الخلفية للسيارة و يؤثر على استهلاك البنزين والموتور.
خامسا الشكمان قريب اوي من الارض مما يؤثر على سوستة الشكمان عند ارتطامها باي رصيف وتحتاج لتغيير فوري.
ودي كانت اهم المزايا والعيوب الي المفروض اي مستخدم يعرفها قبل الاقبال على الشراء لهيونداى فيرنا.