تحية لكل اعضاء المنتدى الكرام
نظرا لطول الموضوع والأدوات والشروحات المستخدمة وحتى لا يكون فى اطالة ويكون هناك فرصة للتركيز اكتر وليس القصد الكم بل القصد الكيف فبعد اذن حضراتكم حيكون الموضوع والطريقة على جزأين فى نفس الموضوع هنا وان شاء الله يكون موضوع مفيد لكل مهتم
كيف تحول صفقة خاسرة الى رابحة
لازم نتفق على ان مافيش حاجة فى تجارة الفوركس اسمها صفقة مضمونة
انما فى صفقات مرجحة
احنا كلنا بنشتغل وبناخد بالأسباب بس
بنحلل ونتعب ودة المفروض ونجتهد على شغلنا والباقى على الله
يعنى اية الفايدة انك تشتغل بوقف خسارة وتقول انا شغال صح طب اعمل اية ؟
الفكرة مش اداة بعينها اسمها وقف خسارة وكدة تقول عملت اللى علية لا حضرتك خالص
اية الفايدة اللى حضرتك حتاخدها بعد بعد ماتكون خسرت الصفقة فعليا
ومش بس كدة لكن وارد جدا تحلل والسعر يضربلك استوب ويرجع تانى
يعنى من الأخر احنا بنشتغل على لعبة الاحتمالات وبنستخدم فيها الوسائل المتاحة من ادوات التحليل المختلفة
الفكرة العامة
وهى انة لايجب ان يتم ترك صفقة خاسرة دون تصرف
خلاص كدة متفقين مينفعش حضرتك تفتح صفقة على سعر والسعر يسحب منك وانت واقف تتفرج على امل يرجع تانى غلط
انت فى حالة من اتنين
اما انك تتحرك معاة وتمتلك مهارة وادوات تستخدمها عشان تحسن النتيجة للأفضل
او انك تستسلم للخسارة وتقفل الصفقة على الخسارة وتختار الحل الأسهل وتخش صفقة تانية ويحصل نفس السيناريو تانى
طيب نعمل اية
زى ما ذكرت انا متفق انك لاتترك الخسارة تزيد
ولكن دعنى اختلف فى كيفية التصرف بمعنى
انا لا اتفق مع فكرة الاداة الواحدة واللى بيسموها وقف الخسارة بمعنى
خلينى اشرح وجهة نظرى بشكل منطقى وفنى ايضا
هو انت لما بتدخل صفقة من البداية بيكون فى حالة من اتنين ملهمش ثالث
الحال الأول
هو صفقة عشوائية من متداول عشوائى وبالتالى فى حال الخسارة لابد من انة يعترف بالخسارة ليتعلم منها ثم يبحث عن صفقة افضل ودة الطبيعى لأنة دخل عشوائى
الحال الثانى
وهو لمتداول عقد صفقة بعد تحليل جيد ثم وجد مالم يكن متوقع ولم تربح صفقتة وعكست علية ودة غير طبيعى او هى نتيجة معاكسة والتصرف بيكون مختلف
التصرف فى الحال الأول
الطبيعى انة يبحث عن صفقة ناجحة ويأخذ بأدوات التحليل اللى هو معملش بيها من الأولودة ودة امر مقنع جدا
التصرف فى الحال الثانى
اذا هو اساس عمل التحليل ودرس صفقتة فكيف يترك صفقتة ويغلقها على خسارة
طيب اذا هو تركها واغلقها بخسارة ما الذى يدرية انة لن يحدث ماحدث فى الصفقة الاولى
الاجابة
لاتوجد اى ضمانات زى ما قولنا قبل كدة وارد جد يتجدد نفس السيناريو تانى
مالذى يحدث عندما تغلق كل صفقة تخسرها
الاجابة
هى تأكل رأس المال دون نهاية الى ان تصل الى مرحلة يكون فيها راس المال لاقيمة لة
اذن التصرف الأفضل من وجة نظرى وبقول من وجهة نظرى ومن حقك تتفق او تختلف ولكن العبرة بالنتائج
اولا
وهو القدرة على التعامل مع الموقف واعادة تحسينة بمهارة لأن اغلاق الصفقة الخاسرة ليس حلا جيدا فى كل الأحوال وغالبا بيرتد السعر مرة اخرى وكلنا نعلم هذا وهناك مضاربات لضرب الأستوبات وقف الخسارة ثم يعود السعرمرة اخرى وزى ما ذكرت قبل كدة فى مواضيع سابقة ان فكرة ان السوق شفاف فكرة تحتاج الى وقفة واظن اسباب كتير بتكشف دة اخرها موقف محافظ البنك المركزى الأمريكى وتصرفات اليابان مع عملتها وغيرة
الشيء الثانى
ان الوقت اللى حتضيعة مع عملة تانية لتنتظر نتائج غير مؤكدة انتظرها على عملتك افضل ولكن ليس انتظار مكتوفى الأيدى ولكن انتظار مع مهارة التغيير
ماذا تعنى بمهارة التغيير
وكيف تحول صفقة خاسرة الى رابحة
دة اللى حنتكلم فية فى الجزا التانى ونشرح الادوات المستخدمة واليات التنفيذ والادلة من الشارت