انا بتقدم بشكوى هنا فى شركة انستا بما انكم فى المنتدى بتتعاملوا معاهم
الصراحة انا مش عارف الشركة دى بتتعامل مع العملاء بتوعها كده ليه
تخيلوا عامل تحويل على ليبرتى ((اخر يوم)) فى اغسطس يعنى من خمس ايام وحتى الان التحويل ماوصلش
وكلمتهم كل يوم وكل يوم يقولولى نفس الكلام
ان التحويل جارى الان وعلى نهاية اليوم على اقل تقدير سيتم تحويله ويمر يوم ورا يوم ورا يوم ومافيش حاجه تتحول
لغاية الامور ما وصلت لحد لا يطاق
وللاسف هما بيفضلوا يعملوا كده لغايه ما انت تضطر تعمل صفقة ولو عملت صفقة وخسرت هيقوموا رافضين السحب علطول ومرجعين التحويل تانى للحساب عشان يعوض مكان الخسارة اللى حصلت
وتبقى النتيجة انى ماعرفش احول الفلوس تانى
انا مش عارف الحل ايه
انا عارف ان فيه مندوب شركة انستا هنا فى المنتدى
اتمنى انه يدخل ويحل المشكلة لانى بجد وصلت لاخرى
مش معقولة كل ما اعمل تحويل اقعد اسبوعين عشان يتحول وخلال الاسبوعين ماينفعش اعمل اى صفقة
ده مش فوركس كده
وشكرا جزيلا