التبريد - التعزيز - الهيدج
من وجهة نظرى ان من يستطيع ان يحترف هذة المهارات يستطيع ان يكون محترف فى الفوركس حتى لو لم يكن يعلم عن التحليل الا القليل فقط اساسياتة
يعنى هذة المهارات + معرفة الأتجاة والدعوم والمقاومات انت تمتلك 90% من الفوركس
ما هو التبريد - ما هو التعزيز - ما هو الهيدج ؟؟
التبريد :
هو انه تكون الصفقه عاكسه عليك وخسران وتدخل بلوتات تانيه فى نفس اتجاه الصفقه رغبة فى تقليص الخساره واملا فى ان يعكس السعر مره اخرى
الهيدج :
هو انك تكون داخل فى صفقه و بعد ما السعر يمشى مسافه معينه تدخل بلوتات معاكسه لاتجاه دخولك الاول . سواء كنت كسبان او خسران يعنى لو كنت بايع تشترى ولو كنت شارى تبيع .. بنفس عدد الوتات ونفس الكميه اللى دخلت بيها فى البدايه ولكن فى اتجاه معاكس
التعزيز :
هو انه تكون الصفقه ماشيه تمام فى الاتجاه اللى انت داخل معاه وكسبان و تدخل بلوتات تانيه فى نفس الاتجاه رغبة فى مزيد من المكاسب واملا فى ان يستمر السعر فى نفس الاتجاه
استخدامهم للحفاظ على المكسب فى حاله المكسب دون غلق الصفقه .. او لتثبيت الخساره والعمل على عدم زيادتها فى حالة الخساره و بعض الناس بتستخدم الهيدج مكان الستوب لووز .. ولكنه يحتاج لاحترافيه فى التعامل علشان تقدر تطلع منه كسبان ..